یوکوہاما۔05مئی ( اے پی پی ) ھزانگئِ وزیر اسحاق ڈار ئَ گوں اوگانستان ئِ نائب ھزانگئِ وزیر ئَ جاپان ئِ شہر یوکوہاما ئَ گندءُ نند کتگ کہ ایشیءِ تہا وت مہ وتئَ دلچسپی ئِ امورئِ سرئَ ھیالءُ لیکہ بوتگ۔ اوگان نائب ھزانگئِ وزیر ئَ اوگانستان ئَ پاکستان ئِ کمک ئَ جاری بازیں دیمروئی منصوبہ آنی سرئَ کارئَ را گشاد کنگئِ دزبندی کتگ۔ آئی ئَ گشتگ کہ پاکستان ئِ راجی اسمبلی ئِ اسپیکر ئِ سروکیئَ مزن تک ئِ ڈل ئِ اوگانستانئِ انوگیں ترءُ تاب دوھیں ملک آنی درنیامئَ دونیمگی سیادی ئَ را گیش ترند ءُ مھکم کنگئِ نیمگئَ جوانیں گامگیج اِت۔اے موھئِ سرئَ ھزانگئِ وزیر اسحاق ڈار ئَ گشتگ کہ پاکستان ءُ اوگانستان ئَ را دونیمگی بیپاری ئَ را گیش کنگئِ ھاترئَ نزیکیئَ را گیش کنگئِ ضلورت اِنت۔
