اسلام آباد۔29ستمبر (اے پی پی): منصوبہ بندی ء ُ دیمروئی ءِ بنجاہی وزیر ءُ ڈپٹی چیئرمین این ایف آر سی سی احسن اقبال ءَ گشتگ کہ ہار ءَ چہ بازیں تباہی بوتگ، سلاہ بندیں فوج ءَ وتی آسراتی کارمرز کتگء ُ کمکی کاروائی آنی تہا بہر زُرتگ، صوبائی حکومت کمکی کاروائی آنی سروکی ءَ کنگ ءَ اَنت، پدمنتگیں دمگ باز آماچ بوتگ اَنت۔ اے ھیالانی درشانی آئی ءَ پنچ شمبے ءِ روچءَ میڈیا اینکر پرسنزءِ این ایف آر سی سی ءِ ترء ُتاب ءِ موہ ءَ گپ ء ُتران کنا ن ءَ کتگ ، بنجاہی وزیر ء ُ ڈپٹی چیئرمین این ایف آرسی احسن اقبال ءَ درملکی کمکی کاروائی آنی سرءَ ہمگرنچیں اینکر پرسن آناں سرپد کتگ۔ بنجاہی وزیر ءَ گشتگ کہ این ایف آ ر سی سی ءِ دیوان ہمک روچگیں بنیات ءَ بیت، موسمی مٹء ُ بدلی بازیں ہورءِ ہارءِ سوب جوڑ بوتگ، ہار ءَ چہ باز تباہی بوتگ۔ آئیءَ گشتگ کہ قدرتی آپت موسمی مٹء ُ بدلی ءِ سوب ءَ بوتگ کہ ایشی ءَ را گرء ُدار کنگ ءِ ھاترءَ بانداتءِ منصوبہ بندی ءَ کنگ ءَ اَنت، 20 پدمنتگ تریں ضلع آنی ھاترءَ 40 ارب کلدار ءِ پروگرام بندات کتگ۔ آئی ءَ گشتگ کہ بحالی ءِ کاروائی سکیل ءِ ردءَ تاں دوسال ءَ برجاہ بوت کناں، میڈیا راج ءِ تہا کمکی کاروائی آنی ھاترءَ جزبگ ودی کنگءِ ھاترءَ کمک بہ کنت، سول سوسائٹی ءِ ادا رگ مزنیں ازمت پیش کنگءَ اَنت ، راج ءَ را یکجاہ بوہگ ء ُ ہارءِ آماچ بوتگیں مردمانی کمک کنگ لوٹ ایت۔
