اسلا م آباد۔05مئی( اے پی پی) ملکءِ صدر ممنون حسین ئَ گشتگ کہ پاکستان ءُ جاپان نزیکیں دوستءُ اوست مندیں معاشی شریدار اَنت،پاکستان تجارتی، بیپاری ، توانائی ءُ تعمیری زانتکاری آنی تہا گیشی ئِ واھشت مند اِنت۔ اے گپ آئی ئَ جاپان ئَ پاکستان ئِ نامیتگیں سفیر ڈاکٹر اسد مجید خانئَ گوں گپءُ تران کتگءُ گشتگ کہ آھاں جمعہئِ روچئَ ایوان صدرئَ ملکئِ صدرئِ گوما گندءُ نندکتگ۔ ملکئِ صدر ئَ سفیر نامزد بوھگئَ ڈاکٹر اسد مجید خانئَ را مراد بات داتگءُ امیت درشان کتگ کہ آ جاپان ئَ را نیوکلیئر سپلائرز گروپ ( این ایس جی ) ئِ سرئِ پاکستان ئِ موقف ئِ منگئِ ھاترئَ راضی کنتءُ اے ھاسیں مولءُ مرادے بہ بیت۔ صدرئَ گشتگ کہ دوھیں ملک آنی تہا تجارت ئِ گیش کنگئِ ضلورت اِنت تنکہ سیادی گیش بہ بیت۔ آئی ئَ گشتگ کہ جاپان ئَ زرکاری باز کنگ بیت ھمے ھاترئَ پاکستان ھم جاپانئِ تہا برآمدات ئِ تہا گیشی کنگئِ واھشت مند اِنت۔ آئی ئَ نامیتگیں سفیر ئِ سرئَ زورپِرداتگ کہ آ جاپانی زرکاراناں پاکستان ئِ تہا زرکاری کنگئَ منتءُ شون بہ کنت۔
