مسکوہی حکومت جہانی منڈی ٹی اڑزآن گیس انا فائدہ ءِ ہرفتو، وخت آ گیس ہلپرسا دا قوم تون بھاز بھلو ظلم اس کرے، وزیراعظم شہباز شریف

اسلام آباد۔ 29 ستمبر (اے پی پی) وزیراعظم محمد شہباز شریف یخ انا موسم اٹی گیس انا گمانی طلب نا رداٹ دمدستی لائحہ عمل اس جوڑ کننگ نا پارت کرسا پارے کہ مسکوہی حکومت کورونا نا دے تیٹی جہانی منڈی ٹی اڑزآن گیس انا فائدہ ءِ ہرفتو، وخت آ گیس ہلپرسا دا قوم اتون بھاز بھلو ظلم اس کرے، تدوک آ حکومت نا وخت آ فیصلہ کپننگ نا بھرم ءِ اینو مچ آ ملک و نیزگار بندغ کُننگ ءِ، مسکوہی حکومت آنبار اسہ ہم بے ڈولی و مجرمانہ ڈیوالئی اسے سگپرہ۔ پنچ شنبے نادے آ وزیراعظم آفس نا میڈیا ونگ آن جاری بیان نا رداٹ داخیال آتا درشانی ءِ  وزیراعظم تینا کماشی ٹی یخ انا موسم اٹی گیس انا حالیت آتیا پیشگی لائحہ عمل اس جوڑ کننگ کن بٹنگوک آ ہلہلہ ئی دیوان اٹی گپ وتران کرسا کرے۔ دیوان ءِ یخ انا موسم اٹی گمانی طلب و رسد آ سرجمی اٹ حوال تننگا۔ دیوان ءِ حکومت نا ساڑی حکمت عملی و بروک آ تُو تیٹی گیس انا فراوانی کن مرتکب کروک پلان آ ہم حوال تننگا۔ وزیراعظم تعلقدار کمامدار آتے پیش کروک پلان ءِ پین گچین کننگ و گونڈ و نیام مدتی لائحہ عمل ءِ اولیت تننگ ناپارت جاری کرے۔ دیوان اٹی مسکوہی وزیراعظم شاہد خاقان عباسی ، بنجائی وزیر خزانہ اسحاق ڈار ، وزیر مملکت پیٹرولیم مصدق ملک، سلاہکار احد چیمہ و تعلقدار بڑزکو کمامدار آک بشخ ہلکر۔ دیوان اٹی وزیراعظم شہباز شریف  یخ انا موسم اٹی گیس انا گمانی طلب  نا رداٹ دمدستی لائحہ عمل اس جوڑ کننگ نا پارت جاری کرے۔ وزیراعظم پارے کہ مسکوہی حکومت کورونا نا دے تیٹی جہانی منڈی ٹی اڑزآن گیس انا فائدہ ءِ ہرفتو ، وخت آ گیس ہلپرسا داقوم اتون بھاز بھلو ظلم اس کرے۔ تدوک آ حکومت نا وخت آ فیصلہ کپننگ نا بھرم ءِ اینومچ آملک و نیزگار بندغ کُننگ ءِ۔ وزیراعظم پارے کہ ای تدوک آ حکومت آنبار بے ڈولی و مجرمانہ ڈیوالئی ءِ سگپرہ۔ زرگزران اٹی بارودی سرنگ تالان کروک آک ملک انا ہر بشخ آ خودکش جلہو کرسا نیزگار آتا مخ ءِ دوتل کریر۔ اُرائی صارف آتے اِرغ کتخ کننگ نا وخت اٹی گیس انا بے سلنگ آن فراوانی ءِ پک کننگے۔ ساڑی حکومت حساب وکتاب و خورک ہیت آتا جاگہ غا عملی و سنجیدہ گام گیج آتیا یخین تخک۔