دین و ناجوڑی تیان رکھ اکن وخت آ گام گیج آتے پک کننگ اُن، بنجائی وزیر جان جوڑی عبدالقادر پٹیل

اسلام آباد۔ 29 ستمبر (اے پی پی) بنجائی وزیر جان جوڑی عبدالقادر پٹیل پارینے کہ دین و ناجوڑی تیان الس ءِ رکھ تننگ کن وخت آ و گچین گام گیج آتے پک کننگ انگ ءِ ، داخلی کسر تیا سخت چاروکی نا مسخت جہانی کہول آ ایبولاوائرس نا تالانی ءِ توننگ ءِ۔ پنچ شنبے نادے آ وزارت نا کنڈآن جاری بیان نا رداٹ اوپارے کہ یوگنڈانا کنڈآن ایبولا دین ءِ دین اس گوندنگ و چندی کیس آتیان پد ملک انا غٹ داخلی کسر تیا جان جوڑی نا تعلقدار کمامدارآک الرٹ سلر۔ اوپارے کہ بارڈر اینڈ ہیلتھ سروسز آف پاکستان دین انا توننگ کن گچین گام گیج آتے پک کے۔ اونا پاننگ ئس کہ سوڈانی ایبولادین انا توننگ کن غٹ داخلی کسر تا سخت چاروکی ءِ کننگ انگ ءِ۔ اوایبولادین انا تعلقدار ملک آتا مسافر آتا اسکریننگ و نشانی تا بابت آگاہی نا پارت ہم کرے۔ وزیر جان جوڑی پارے کہ سوڈان آن براہ راست جہاز مفننگ آن پد ہم عبوری گزرگاہ انگا مسافر آتا ہم چاروکی و تھرمل سکریننگ ءِ پک کننگک، شکبر و نشانی تخوک آ ناجوڑ آتے دمدستی رپورٹ کننگے۔ اوپارے کہ انٹرنیشنل ہیلتھ ریگولیشنز نا سلاہ و سوج آتیا عملدرآمد ءِ پک کننگ انگ ءِ، اوطبی عملہ ٹی ایبولا اِل انا نشانی، ناجوڑ و شکبر ناجوڑ آتے جتا تخنگ، رکھی لویس و ایلو راہشون اصول آتا بارواٹ آگاہی ودی کننگ نا پارت ہم کرے۔