اسلام آباد۔ 29 ستمبر (اے پی پی) بنجائی وزیر ڈٹ بندی و شونداری و ڈپٹی چیئرمین این ایف آر سی سی احسن اقبال پارینے کہ نوکاپ آن بھلو کچ اسے آ بھسکاری مس، سلہہ بند فوج تینا وسیلہ غاتے کاریم اٹ اتسا کمکی کارروائی تیٹی زیات آن زیات بشخ ہلک، صوبائی حکومت آک کمکی کارروائی تا کماشی ءِ کننگ ءُ، پدسلوک آ علاقہ غاک بھاز زہمی مسنو۔ داخیال آتا درشانی ءِ او پنچ شنبے نادے آ میڈیا اینکر پرسن تا این ایف آر سی سی نا دورہ نا وخت آ اوفتے تون گپ وتران کرسا کرے، بنجائی وزیر و ڈپٹی چیئرمین این ایف آر سی سی احسن اقبال درملکی کمکی کارروائی تا بابت اینکر پرسن تے معلومدار کرے۔ بنجائی وزیر پارے کہ این ایف آر سی سی نا دیوان باقاعدگی اٹ ہڑدے ئی بنداو آ اڈ ہلیک۔ موسمیاتی بدلی بھلاپِر تا سوب جوڑ مس، نوکاپ آن بھلو کچ اسے آ بھسکاری مس ، بنجائی وزیر پارے کہ سلہہ بند فوج تینا وسیلہ غاتے کاریم اٹ اتسا کمکی کارروائی تیٹی زیات آن زیات بشخ ہلک، صوبائی حکومت آک کمکی کارروائی تے لیڈ کننگ اٹی ءُ، پسماندہ علاقہ غاک بھاز زہمی مسنو۔ اوپارے کہ قدرتی آفت موسمیاتی بدلی نا درشانی ءِ ہراڑتون مون تننگ کن آخبت نا ڈٹ بندی کننگ اُن، 20 پدسلوک ضلع غاتیکن 40 ارب روپئی نا پروگرام اس بناکرینن۔ اوپارے کہ نوکاپ آن بحالی نا کارروائیک اسکیل نارداٹ اِرا سال اسکان برجاسلنگ کیک، میڈیا قوم اٹی کمکی کارروائی تیکن جوزہ ءِ بش کننگ اٹ کمک کے، سول سوسائٹی نا ادارہ غاک جوان خذمت سرتننگ اٹی ءُ، قوم ءِ یکجا مرسا نوکاپ آن بھس مروک آتا کمک ءِ کروئی ءِ۔
