پاکستانی ڈل انا ایشیائی شونداری بینک انا ایگزیکٹیو بورڈ انا باسک آتون میٹنگ

اسلام آباد۔ 28 ستمبر (اے پی پی) پاکستانی ڈل ایشیائی شونداری بینک (اے ڈی بی) نا ایگزیکٹیو بورڈ انا باسک آتون فلپائن اٹی میٹنگ کرے ہراٹی 40 آن زیات ملک آتا نمائندگی کروک آ 9 ایگزیکٹیو ڈائریکٹر آک بشخ ہلکر۔ اقتصادی امور ڈویژن نا کنڈآن جاری بیان نا رداٹ سیکرٹری اقتصادی امور ڈاکٹر کاظم نیاز پاکستان اٹی بروک آ تباہ کن نوکاپ، حکومت نا ردعمل، کمکی گام گیج و داحالیت آتیان ودی  مروک آ آخبت نا چیلنج آتیا جوان حوال تس۔ سیکرٹری اقتصادی امور بورڈ انا باسک آتیا زور شاغا کہ او گرج انا داساہت اٹی پاکستان ءِ زیات آن زیات کمک فراوان کیر۔ اوپاکستان اٹی خاص وڑاٹ انفراسٹرکچر ، ہاؤسنگ و سیل و سوات نا بشخ آتیٹی زرکاری نا پورٹ فولیو ءِ ودفنگ نا خواست کرے۔