لاہور۔ 28 ستمبر (اے پی پی) متحدہ عرب امارات نا سفیر حمد عبید ابراہیم سالم الذعیبی چارشنبے نادے آ شیخ زید ہسپتال لاہور نا دورہ ءِ کرے۔ ہسپتال انتظامیہ نا رداٹ پروفیسر ڈاکٹر صبغہ ذوالفقار چیئرپرسن اینڈ ڈین شیخ زید میڈیکل کمپلیکس و ایڈمنسٹریٹر ڈاکٹر اکبر حسین ئسک اودے بخیر کریر۔ داوخت آ پروفیسر ڈاکٹر صبغہ ذوالفقار چیئرپرسن اینڈ ڈین اماراتی سفیر ءِ شیخ زید میڈیکل کمپلیکس نا تاریخ، شعبہ جات نا فعالیت و ہسپتال نا ودکی نا بابت سرجم آتیان معلومدار کرے۔ متحدہ عرب امارات نا سفیر حمد عبیدابراہیم سالم الذعیبی پارے کہ ادارہ نا گچینی کن یو اے ای و پاکستان نا نیام اٹ تین پہ تینی کمکاری ءِ پین مون آ دننگک۔ اماراتی سفیر ہسپتال نا شعبہ امراض اطفال نا دورہ ءِ ہم کرے و داخل ناجوڑ چناتا زوت دراخ جوڑی کن نیک است خواہی نا درشانی ءِ کرے۔

متعلقہ مضامینمصنف کی طرف سے مزید