اسپیکر قومی اسمبلی نا شہزادہ محمد بن سلمان ءِ سعودی عرب نا وزیر اعظم مقرر مننگ آ مبارکباد

اسلام آباد۔ 28 ستمبر (اے پی پی) اسپیکر قومی اسمبلی راجہ پرویز اشرف تینا و پاکستان نا پارلیمان نا کنڈآن ولی عہد شہزاد ہ محمد بن سلمان بن عبدالعزیز ءِ سعودی عرب نا وزیراعظم مقرر مننگ آ مبارکبادی تسنے۔ چارشنبےنادے آ تینا تہنیتی کلہو اٹی اسپیکر پارے کہ ولی عہد محمد بن سلمان بن عبدالعزیز نا کماشی ٹی مملکت سعودی عرب شونداری نا پوسکن ءُ مزل طے کیک۔ پاکستان نا حکومت و الس ولی عہد شہزادہ محمد بن سلمان و خادمین الحرمین الشریفین تون بھاز تعلقداری تخک۔ سعودی ولی عہد شہزادہ محمد بن سلمان نا پاکستان نا شونداری و شونہالی مدام اولیت مسنے۔ ولی عہد شہزادہ محمد بن سلمان ہر مشکل وخت اٹی پاکستان تون سلوک مسنے۔ اوپارے کہ ولی عہد شہزادہ محمد بن سلمان نا وزیراعظم مقرر مننگ آن ہڑتوم آ ایلم ملک آتیٹی مروک آتعلقداریک پین سوگو مریرہ۔ پاکستان نا الس ولی عہد شہزادہ محمد بن سلمان نا بطور وزیراعظم سرسہبی کن دعا کینہ۔