یوکوہاما۔05مئی( اے پی پی) ھزانگئِ بنجا ھی وزیر سینیٹر اسحاق ڈار ئَ گشتگ کہ پاکستانئِ تہا بیپار کنگئِ تہا ارزانی ودی کنگئِ ھاترئَ نجی پڑآنی گوما ھوار یک جاھ عملی گامگیج کنگ بوھگئَ اَنت کہ ایشی ئَ را ھمک تکئَ وش اَتک کنگ بوتگ۔ آ جاپان ئِ شہر یوکوہاما ئَ اوپن گورنمنٹ پارٹنر شپئِ چیف ایگزیکٹو آفیسر ئِ گوما گندءُ نندئِ تہا ھیالءُ لیکہئِ درشانئَ کنگئَ بوتگ۔ ایشیائی دیمروئی بینک ئِ بورڈ آف گورنرز ئِ سالانہ اجلاسئِ موھئَ بوتگیں اے گندءُنندئِ تہا آئی ئَ حکومت ئِ نیمگئَ چہ بھاءُسیمءِ عملئِ تہا ساپءُ سلہیئَ را الم جوڈ کنگئِ ھاترئَ کتگیں گامیگجاں چہ سرپد کتگ۔ بنجاھی وزیر ئَ ایل این جی منصوبہ آنی ھاترئَ اختیار کتگیں آزادءُ ساپءُ سلہیں عملئِ ھوالگ داتگءُ گشتگ کہ ایشیئِ نتیجگئَ 90کروڑ ، ڈالر ئِ بچت بوتگ ءُ اے عمل ئَ را دراھیں شریداراں ساڑاتگ۔ بنجاھی وزیر ئَ گشتگ کہ حکومت اقتصادی دیمروئی ئِ عملئِ تہا نجی پڑئِ ارزشت ئَ را من ایت۔ ھمے ھاترئَ نجٹ سازی ئِ عمل ئِ تہا نجی پڑآنی گوما سرجم ئَ شوءُ صلہ کنگ بیت۔ آئی ئَ گشتگ کہ اوپن گورنمنٹ ئِ نیمگئَ چہ دراھیں گامگیج کنگ بوتگ اَنت ءُ اے ھوالگئَ معلوم داریئِ یکے دومی ئِ گوما بھرکنگءُ ساپءُ سلہی ئَ را اوست مند جوڈ کنگ بوتگ۔ اوپن گورنمنٹ پارٹنر شپئِ چیف ایگزیکٹو آفیسر ئَ حکومت پاکستانئِ نیمگئَ چہ پبلک پروکیورمنٹ ئِ تہاساپ ءُ سلہی آرگئِ ھاترئَ کتگیں گامگیجاناں ساڑاتگءُ گشتگ کہ اے ھوالگئَ گیش کوشستءُ کمک بانداتئَ پاکستانئِ اقتصادی جیڑھ آناں گیش ءُ گیوارکنگئَ جوانیں کرد پیلو کنت۔
