اسلام آباد۔ 28 ستمبر (اے پی پی) تدوک آ 24 گھنٹہ ٹی مچ آ ملک اٹی 11 ہزار 418 کورونا ٹیسٹ کننگانے۔ چارشنبےنادے آ نیشنل انسٹی ٹیوٹ آف ہیلتھ (این آئی ایچ ) نا کنڈآن جاری ٹویٹ نا رداٹ تدوک آ 24 گھنٹہ ٹی 11 ہزار 418 کورونا ٹیسٹ کننگا ہرافتیان 78 بندغ آتا کورونا ٹیسٹ مثبت بسنے۔ ہندا وڑ تدوک آ 24 گھنٹہ ٹی کروک آ مثبت کورونا ٹیسٹ انا کچ 0.68 درسد ئسک۔ داکان بیدس داوخت آ کورونا دین آن اسہ ناجوڑ اس ہم زوال کتنے وخت اس کہ 83 ناجوڑ آتا حالیت نازرک ءِ۔
