اسلام آباد۔ 28 ستمبر (اے پی پی) بنجائی وزیر قومی جان جوڑی عبدالقادر پٹیل پارینے کہ نوکاپ آن زہمی تے جان جوڑی نا آسراتی تا فراوانی کن سنبرینگوک اُن نوکاپ آن زہمی علاقہ غاتیٹی ہڑدے ئی بنداو آ 16 ہیلتھ کیمپ خلنگ انگ ءِ۔ چارشنبے نادے آ جاری تینا بیان اٹی اوپارے کہ خیبرپختونخوا ، سندھ، بلوچستان و پنجاب اٹی 47 ہیلتھ کیمپ اڈتننگانے خیبر پختونخوا نا 8 ضلع غاتیٹی 16 ہیلتھ کیمپ خلنگانے۔ پنجاب نا اِرا ضلع غاتیٹی 4 ہیلتھ کیمپ اڈتننگانے وخت اس کہ بلوچستان نا 7 ضلع غاتیٹی 14 ہیلتھ کیمپ خلنگانے۔ سندھ انا 10 ضلع غاتیٹی 13 ہیلتھ کیمپ اڈتننگانے۔ جم وڑاٹ 5574 ناجوڑ آتے طبی امداد فراوان کننگا۔ عبدالقادر پٹیل پارے کہ پنچ سال آن کم وئی 1084 چناتے طبی امداد فراوان کننگا۔ اوپارے کہ ہیلتھ کیمپ آتیٹی 625 چناتے پولیو نا رکھی پڑی کنفنگا وخت اس کہ ہیلتھ کیمپ آتیٹی 262 چناتے رکھی ٹیکہ ہم خلنگا۔
