اوغان حکومت دہشت گرد ٹولی تے تینا گل زمین ہمسایہ ملک آتا برخلاف کاریم اٹ اتنگ آن تورے، پاکستانی مندوب نا سلامتی کونسل اٹی گپ وتران

اقوام متحدہ۔ 28 ستمبر (اے پی پی) پاکستان اوغان حکومت آن خواست کرینے کہ او تینا گل زمین ءِ دہشت گرد ٹولی تا ہمسایہ ملک یا پین ملک اسے نا برخلاف جلہو آتیکن کاریم اٹ اتنگ آن تورے، خاص وڑاٹ داعش، داعش خراسان، القاعدہ، تحریک طالبان پاکستان (ٹی ٹی پی) ، ای ٹی آئی ایم (ایسٹ ترکستان اسلامک موومنٹ) و آئی ایم یو(اسلامک موومنٹ آف ازبکستان) نا کنڈآن مون تروک خطرہ ءِ تورے ہرا پاکستان کن بھاز اہم ءِ۔ داہیت ءِ اقوام متحدہ ٹی پاکستان نا آخبتی مندوب منیراکرم اوغانستان نا حالیت آتیا 15 باسکی سلامتی کونسل نا دیوان اٹی تران اٹی پارے۔ اوپارے کہ اوغانستان اٹی روسی سفارت خانہ غا جلہو تون اوار ساڑی آ بمب دھماکہ، ٹارگٹ کلنگ اٹی ودکی خصوصی گڑتی نا سوب ءِ۔ اوخبڑدار کرینے کہ ’’اگہ نن اوغان الس و کمامدار آتے المی و مریس مدتی اقتصادی ایسر اس فراوان کننگ اٹ بے سہب مرینہ تو اوغانستان اٹی حکومت مخالف ٹولیک خاص وڑاٹ داعش ناپین سوگو مننگ نا خطرہ ءِ۔ نن اوغان حکومت آن اومیت کینہ کہ او اوغانستان نا گل زمین ءِ ہمسایہ ملک یا پین ملک اسے نا برخلاف دہشت گردی کن کاریم اٹ اتنگ آن تورک۔ پاکستانی مندوب پارے کہ پاکستان اوغانستان نا وتواجہی و علاقائی سالمیت نا پورو شرف ءِ کرسا دا دہشت گرد ٹولی تے بے اثر کننگ و اوفتا چٹفنگ نا غٹ مخلصانہ کوشست آتا مخ تفی ءِ کیک۔ بگاڑ ودی کروک آ ہرا وغان گل زمین آن پاکستان نا برخلاف دہشت گردی نا سرپرستی و اونا است بڈی ءِ کننگ خوارہ، ءِ ہم چیک کننگے و اوغانستان و ڈیہہ ٹی اوفتا جوڑ کروک دہشت گرد نیٹ ورک آتے بایدے چٹفنگے۔ اوپارے کہ پاکستان مذہب، جنس و نسل انا پرخ کننگ آن بیدس اوغانستان و دنیا ٹی امن نا خواہندار ءِ و پاکستان اسہ ہندن ءُ اوغانستان اس ہُننگ نا خواہندار ءِ ہرا پرامن ، شونہال و سوگو مرے ہراننا غٹ انا فائدہ ٹی ءِ۔ اوپیدوار کرے کہ پاکستان ساڑی حالیت آتیٹی انسانی ہمدردی نا بنداو آ تینا اوغان ایلم و ایڑھ تا کمک نا کوشست ءِ کرینے۔