اسلام آباد۔27ستمبر (اے پی پی): مزن وزیر محمد شہباز شریف ءَ گشتگ کہ پاکستان سعودی عرب ءِ گوما بازیں پڑآں دونیمگی کمک ءَ را گیش کنگ ءِ وائشت مند اِنت۔ اے ھیالانی درشانی آئی ءَ پاکستان ء َ سعودی عرب ءِ سفیر نواف سعید المالکی ءَ گوں گپ ء ُ تران کنان ءَ کتگ کہ آیاں سئے شمبے ءِ روچءَ یکے دومی ءِ گوما گندء ُنندکتگ۔ مزن وزیر خادم الحرمین الشریفین سلمان بن عبدالعزیز السعود ءُ ولی عہد شہزادہ محمد بن سلمان ءِ ھاترءَ نیکیں وائشتانی درشانی کتگ۔ مزن وزیر ءَ سعودی ولی عہد ءِ گوما ٹیلی فون ءِ سرءَ وتی انوگیں گپ ء ُترانانی گپ کتگء ُگشتگ کہ بازیں پڑآں دونیمگی کمک ءَ را گیش کنگ ءِ دوئینانی وائشت اِنت۔ مزن وزیر ءَ سعودی عرب ءِ گوما کمک ءِ سرکنگ ءَ ہوار پاکستان ءَ ہار ءِ آماچیں مردمانی گوما ہمراہ داری کنگ ءِدرشانی کنگ ءَ سعودی عر ب ءِ حکومت ء ُ اُلس ءِ شکرء ُ منت گپتگ۔ مزن وزیر ءَ کمکی سُرء ُ پُرآنی تہا سعودی عرب ءِ سفیر ءِ حاسیں کرد ءَ را ساڑاتگ کہ آیاں ذاتی ارزشت ءَ ہار ءِ آماچیں دمگانی ترء ُتاب کتگ۔
