دادو۔27ستمبر (اے پی پی): مزن وزیر محمد شہباز شریف ءَ ضلع دادو ءِ میتگ جھاکرو ءَ ہار ءِ آماچیں مردمانی ھاترءَ جوڑ کتگیں تمبو دمگ ءِ تر ء ُ تا ب کتگ ء ُ داتگیں آسراتیانی چارء ُتپاسی کتگ۔ اے موہ ءَ سندھ ءِ سروزیر مراد علی شاہ ہم ساڑی بوتگ۔ مزن وزیر ءَ را ضلع دادو ءَ ہار ءَ چہ بوتگیں نقصان، کمکی سُرء ُ ُُ پُر ء ُ بحالی ءِ گامگیجانی بابتءَ شونست دیئگ بوتگ۔ مزن وزیر ءَ را حال دیئگ بوتگ کہ ہار ءَ چہ ضلع ءِ تہا تاں انوں 37 مردم بیران ء ُ 22 ٹپیگ بوتگ اَنت۔ ایشی ءَ ابید لکھا ں ایکڑ ءِ سرءَ بوتگیں دھان ء ُ ایندگہ کشار تباہ بوتگ اَنت۔ لکھاں دلوت مُرتگ اَنت۔ آپ ءَ را در کنگ ءِ ھاترءَ گامگیج کنگ بو ہگءَ اَنت ء ُ اُمیت اِنت کہ 8 تاں 10 روچاں آپ درکنگ بنت۔ مزن وزیر ءَ حال دیئگ بوتگ کہ ہارءِ آماچیں مردمانی ھاترءَ سرجمیں ضلع ءَ 17 تمبو میتگ ء ُ 200 ءَ چہ گیش کمکی کیمپ جوڑ کنگ بوہگءَ اَنت۔ 215 ءَ چہ گیش کمکی کیمپ جوڑ کنگ بوتگ اَنت۔ ہار ءِ آماچیں مردمانی ھاترءَ میڈیکل کیمپس ہم جوڑ کنگ بوتگ اَنت۔ ایشی ءَ ابید واٹر سپلائی، دگ، نادراہ جاہ، وانگ جاہ ء ُ ایندگہ بنکی ڈھانچہ ءِ جوڑ کنگ ءِ ھاترءَ فنڈ ءِ ضلورت بیت۔ مزن وزیر تمبو بستی ءَ جوڑ کتگیں ادارکی وانگ جاہ ءَ ہم شتگ ء ُ گوں آماچیں زھگاں گپء ُترانے کتگ۔ اے موہ ءَ مزن وزیر ءَ آماچیں زھگانی جوانیں وانگ ء ُ زانگی آسراتی ءِ سر کنگ ءِ ھاترءَ سمارٹ وانگ جاہ جوڑ کنگ ءِ جارہم جتگ۔ مزن وزیر ءَ گشتگ کہ اے گپ ءِ باز وشی اِنت کہ ہار ءِ آماچیں مردمانی کمک ءِ ھاترءَ یکجاہ ہوار کار کنگ ءَ اَنت ء ُ گرانیں ساہت ءَ آماچیں مردمانی کمک کنگ بوہگءَ اِنت۔ مزن وزیر ءَ ہارءِ آماچیں مردمانی ریسکیو، ریلیف ء ُ بحالی ءِ ھاترءَ کتگیں گامگیج سا ڑاتگ اَنت۔
