اوگانستان ئِ ناظم الاامور ئِ درئی کارانی دپتر ئَ لوٹ، چمن ئِ دمگ ئَ پاک اوگان سیم سر ئِ سر ئَ اوگان فورسز آنی نیمگ ئَ چہ کور ئُُ کائی تیر گواری ئِ سر ئَ جھلانکیں جاک ریکاٹ کنگ بوت

اسلام آباد۔ 05 مئی (اے پی پی) اوگانستان ئِ ناظم الاامور ئَ را آدینگ ئِ روچ ئَ درئی کارانی دپتر ئَ لوٹ کنگ بوت ئُُ چمن ئِ دمگ پاک اوگان سیم سر ئِ سر ئَ اوگان فورسز آنی نیمگ ئَ کور ئُُ کائی تیر گواری ئِ سر ئَ جھلانکیں جاک ریکاٹ کنگ بوت۔ ایشی ئِ تہ ئَ بازیں پاکستانی شہید ئُُ زالبول ئُُ زھگ آں ھوار بازیں مردم ئِ ٹپیگ بوت۔ اوگان ناظم الامور ئَ را گوشگ بوت کہ پاکاتان کارندہ ملکی سیم ئِ توک ئَ مردم شماری ئِ ھاترا وتی پرز ئَ پیلو کنگ ئَ بوتگ اَنت ئُُ اوگان حکومت ئَ را ایشی ئِ پیسر ئَ چہ ھال داتگ بوتگ۔ اوگان فورسز آنی نیمگ ئَ کور ئُُ کائی تیر گواری ئِ سبب ئَ بنی آدم آناں نا ایوک ئَ جانی تاوان بار بوتگ اَنت ، ٹپیگ ئُُ زیمیگ بوتگ اَنت بلکینگ ئَ پاکستان ئِ سیم سری ھد ئُُ ابیل ئَ مردم شماری ئِ کار آماچ بوتگ۔ پاکستان ئَ اوگانستان ئِ سر ئَ زور پر داتگ کہ آ کور ئُُ کائی تیر گواری ئَ را دارگ ئِ ھاترا زوتاں زوت گامگیج ئُُ ھلاپ کنوک آناں گرگ ئُُ کبس ئِ کاروائی کنگ بہ بیت۔