اسحاق ڈار نا پدی بننگ آ اسہ فارن ایجنٹ، ہیراو گھڑی تا سوداکروک، نُت بورہ دُز انا اوغنگ جوڑ مریک، بنجائی وزیر حوالکاری نا فواد چوہدری نا بیان آ ردعمل

اسلام آباد۔ 27 ستمبر (اے پی پی) بنجائی وزیر حوالکاری و شینکاری مریم اورنگزیب پارینے کہ اسحاق ڈار نا پدی بننگ آ اسہ فارن ایجنٹ، ہیرا و گھڑی تا سوداکروک ، نت بورہ دُز انا اوغنگ جوڑ مریک، اوغے، چیہانٹ ، یا پِٹے ، اسحاق ڈار وطن آ پدی بسنے۔ سے شنبے نادے آپی ٹی آئی راہشون چوہدری فواد حسین نا بیان آ ردعمل نا درشانی ءِ کرسا اوپارے کہ الحمداللہ اسحاق ڈار نا پدی بننگ عمران خان کون آ دروغ تڑ و فسطائی بندغ نا بوز آ زور ءُ چپانٹ اسے، ہرانا توار نا پِننگ اٹی ہڑدے ودکی مریک۔ اسحاق ڈار صاحب اسہ عدالت اسے آن ہم سزا کنوک اف، او زوت سینیٹر نا سوغند ہرفک۔