نوکاپ آن زہمی تے طبی آسراتی فراوانی اولیت، زہمی ضلع غاتیٹی ہیلتھ کیمپ خلنگ نا چرجوئی برجاءِ، بنجائی وزیر جان جوڑی عبدالقادر پٹیل

اسلام آباد۔ 27 ستمبر (اے پی پی) بنجائی وزیر قومی جان جوڑی عبدالقادر پٹیل پارینے کہ نوکاپ آن زہمی ضلع غاتیٹی ہیلتھ کیمپ خلنگ نا چرجوئی برجاءِ ، زہمی تے طبی آسراتی فراوانی اولیت ءِ۔ سے شنبے نادے آوزارت آن جاری بیان نا رداٹ بنجائی وزیر پارے کہ نوکاپ زہمی تیکن جان جوڑی نا آسراتی تا غٹ المی گام گیج آتے پک کننگ انگ ءِ۔ اوپارے کہ خیبرپختونخوا، سندھ، بلوچستان وپنجاب اٹی 48 ہیلتھ کیمپ خلنگانے۔ اونا پاننگ ئس کہ خیبرپختونخوا نا 8 ضلع غاتیٹی 16، پنجاب نا اِرا ضلع غاتیٹی 4، بلوچستان نا 7 ضلع غاتیٹی 14 و سندھ انا 10 ضلع غاتیٹی 14 ہیلتھ کیمپ خلنگانے۔ اوپارے کہ جم وڑاٹ 5542 ناجوڑ آتے طبی امداد تننگا، پنچ سال آن کم وئی 1152 چناتے طبی امداد تننگا۔ اوپارے کہ ہیلتھ کیمپ آتیٹی 599 چناتے پولیو نا رکھی پڑی کنفیر و 292 چناتے رکھی ٹیکہ ہم خلنگانے۔