کوئٹہ۔ 27 ستمبر (اے پی پی) ترجمان الیکشن کمیشن بلوچستان نعیم احمد پارینے کہ بلوچستان بلدیاتی ضمنی گچین کاری تا چرجوئی ٹی چار ضلع غاتا 11 یونین کونسل آتا 57 وارڈ آتیٹی پولنگ نا عمل سہب انا 8 بجہ غا بناکرسا بیدس وقفہ غان بیگہ نا 5 بجہ اسکان برجاسلک۔ دا چرجوئی ٹی غٹ المی بست بند آتے پورو کننگانے۔ تعلقدار ریٹرننگ آفیسر آتا رداٹ پریذائیڈنگ آفیسر آتے گچین کاری گڑابشخنگانے۔ وخت اس کہ غٹ پولنگ اسٹیشن تیا سیکورٹی نا ہم سخت بست وبند کننگانے، بلوچستان نا ہرا چار ضلع غاتیٹی پولنگ مریک اوفتے ٹی ضلع موسیٰ خیل نا چار یونین کونسل آتا 28 وارڈ، ضلع دکی نا اِرا یونین کونسل آتا 6 وارڈ، ضلع مستونگ نا چار یونین کونسل آتا 22 وارڈ وخت اس کہ لورالائی نا اسہ یونین کونسل نا اسہ وارڈ اسے ٹی (اینو) 27 ستمبر 2022آ پولنگ مریک دا چرجوئی ٹی غٹ حلقہ غاتیٹی جم وڑاٹ 59 پولنگ اسٹیشن جوڑ کننگانے ہراڑے رجسٹرڈ ووٹر آتا کچ 34 ہزار 919 ءِ وخت اس کہ 59 پریذائیڈنگ آفیسر، 147 اسسٹنٹ پریذائیڈنگ آفیسر و 147 پولنگ آفیسر تعینات کننگانے، دا حلقہ غاتیٹی جم وڑاٹ 223 اومیتدار گچین کاری عمل اٹی بشخ ہلنگ اٹی ءُ۔ داکان بیدس بلوچستان اٹی مروک آ دا گچین کاری تیکن الیکشن کمیشن اسلام آباد اٹی مرکزی کنٹرول روم اس جوڑ کننگانے ہراڑے پولنگ نا بابت ہروڑنا غاو اکن درجہ ذیل نمبر آتیا رابطہ کننگ کیرہ ۔9204402۔3؛05192010837۔8 فیکس۔051۔9204404ہنداوڑصوبائی الیکشن کمشنر بلوچستان و غٹ تعلقدار ضلع غاتیٹی کنٹرول روم اس ہم جوڑ کننگانے، صوبائی الیکشن کمشنر بلوچستان نا دفتر اٹی جوڑ مروک آ کنٹرول روم انا فون نمبر 081۔9201251 و فیکس نمبر 081۔9202317آک ءُ۔
