اسلام آباد۔26ستمبر (اے پی پی):جنوبی ایشیا ءِ واستہ میاں اوستمانی بینک ءِ نائب صدر مارٹن ریزر ءَ گوشتگ کہ پاکستان ءَ سیلاپ ءَ چہ آماچیں مردم ءُ بنیاتی کوکار ءِ برجائی ءَ میاں اوستمانی بینک پاکستان ءِ گوما سرجمیں کمک کنت ۔ پاکستان ءِ تر ءُ تاب ءِ گڈ ءَ وتی یک بیانے ءِ تہ ءَ آئی ءَ استیں ھار ءِ سبب ءَ گران بھائیں جانی تاوان ، ماڑی ءُ بنیاتی کوکا ءَ را رستگیں تاوان آنی پد ءَ مارا سک باز اپسوزی بوتگ، آماچیں مردم آنی کمک ءِ واستہ میاں اوستمانی بینک پاکستان ءِ بنجاھی ءُ صوبائی حکومت آنی گوما کار کنگ ءَ انت۔ آئی ءَ گوشت کہ زوتیں رسپانس ءِ چیر دستی ءَ میاں اوستمانی بینک پاکستان ءَ پیسر ءَ چہ جاڑیگیں منصوبگ آنی واستہ گیشنتگیں فنڈز آناں دوارگ گیشینگ ءِ واستہ کار کنگ ءَ انت تانکہ آماچیں مردم آناں جان سلامتی، وردن ءُ وراک، پناہ ءُ آسودگی ءِ کار ءَ کرد پیلو بوت بہ کنت۔ میاں اوستمانی بینک آنی نائب صدر ءَ گوشت کہ سیلاپ ءَ چہ پد آماچیں مردم آنی آسودگی ، آبات کاری ءُ بنیاتی کوکا ءِ جوڑیشت ءِ واستہ میاں اوستمانی بینک ھواریں رنگ ءَ 2 ارب ڈالر ءِ مالی کمک ءِ بند ءُ بست کنگ ءَ انت۔ آئی ء۔ گوشت کہ پاکستان دگنیا ءِ اے 10 ملک آنی تہ ءَ ھوار انت ، ھما موسمی مٹ ءُ بدلی آنی سبب ءَ گیش آماچ بوتگ۔
