کوئٹہ۔ 26 ستمبر (اے پی پی) الخدمت فاؤنڈیشن بلوچستان نا صدر انجینئر جمیل احمد کرد پارینے کہ ہزار آ نوکاپ زہمیک تمبوتیٹی رہینگ انگ آ بیوس ءُ، یخ انا موسم بناکننگ ءِ اوکان پد مخلوق نا عارضی ٹینٹ آتیٹی رہینگ انگ ہم ناممکن مریک۔ اوپارے کہ نوکاپی علاقہ غاتیٹی ناجوڑیک تالان مننگ اٹی ءُ، فاؤنڈیشن دوئی وسیلہ غاتے کاریم اٹ اتسا زہمی تے امداد، کنوئی ءُ گڑا خشک راشن، تمبو ٹینٹ سرکننگ ءِ۔ داخیال آتا درشانی ءِاو صحبت پور نا زہمی علاقہ غاتیٹی زہمی و الخدمت نا زموار آتون گپ وتران اٹی کرے۔ اوپارے کہ الخدمت فاؤنڈیشن تون زیات وسیلہ داخس اف و فی الحال سرکار تون ہم زہمی علقہ غاتا بحالی کن ہچ ءُ ڈٹ اس اف داسہ بیرہ پیشن نا کمک نا چاری ءِ ، پڑو کروک آ فنڈآک داسکان زہمی علاقہ غاتسکان سرمتنو۔
