کراچی۔ 26 ستمبر (اے پی پی) پاک فضائیہ نا کنڈآن خیبرپختونخوا، سندھ، بلوچستان و سویلی پنجاب نا نوکاپ نا زہمی تا بحالی نا عمل برجاءِ۔ پاک فضائیہ نا کنڈآن جاری اعلامیہ نا رداٹ فضائیہ نوکاپ زہمی تا امداد کن اِرا تُو انا راشن بشخا تانکہ نوکاپ آن زہمی علاقہ غاتیٹی بحالی نا کاریم پورو مننگ اسکان نوکاپ زہمی تے خودکفیل کننگ مرے۔ پاک فضائیہ نا فیلڈ میڈیکل کیمپ آتیٹی نوکاپ زہمی تے مفت دوائی و طبی امداد ہم فراوان کننگ انگ ءِ۔ تدوک آ 24 گھنٹہ ٹی پاک فضائیہ نا ایمرجنسی ریسپانس ٹیمک ضرورت مند خاہوت آتیٹی 16 ہزار 650 تیار کُن و خور نا پیکٹ، 750 دیر انا بوتل و 777 خشک راشن ناپیکٹ بشخار، پاک فضائیہ نا میڈیکل ٹیمک 920 ناجوڑ آتا طبی معائنہ ءِ ہم کریر۔
