کوئٹہ۔ 26 ستمبر (اے پی پی) وزیراعلیٰ بلوچستان میر عبدالقدوس بزنجو ہرنائی آن خڑک انا علاقہ خوست اٹی پاک فوج انا ہیلی کیپٹر شکست اٹی آفیسر و کارندہ غاتا شہیدی آ است ہسونی نا درشانی ءِ کرینے۔ تینا بیان اٹی وزیراعلیٰ بلوچستان پارے کہ شکست اٹی پاک فوج انا اِرا آفیسر و 4 کارندہ غاتا شہیدی آ بھاز است ہسونی مسنے، نن شہید آتا خاہوت آتا غم اٹی بریبر نا شریک اُن۔ او پارے کہ ملک و قوم اکن جان تے ندر کننگ پاک فوج انا طرہ امتیاز ءِ، مچ آ قوم شہید آتے سلام پیش کیک۔ وزیراعلیٰ شہید آتا درجہ غاتا بڑزی و خاہوت کن صبر وجمیل نا دعا کرے۔
