اسلام آباد۔ 26 ستمبر (اے پی پی) بنجائی وزیر حوالکاری و شینکاری مریم اورنگزیب پاک فوج انا ہیلی کیپٹر شکست اٹی آفیسر و ورناتا شہیدی آ است ہسونی نا درشانی ءِ کرینے۔ دوشنبے نادے آ تینا بیان اٹی اوپارے کہ ہرمشکل و آزمائشت اٹی پاکستان نا فوج انا قربانی تے است آن دننگ مفک۔ اوپارے کہ شکست اٹی شہیدی نا جام ءِ کنوک آک ملک و قوم انا غمخوارآک ءُ۔ مچ آ قوم تینا شہیدآتے اوفتا عظیم قربانی تیا سلام پیش کیک۔ بنجائی وزیر حوالکاری شہید آتا خاہوت آتون ہڑزخواہی نا درشانی ءِ کرسا شہید آتا درجہ غاتا بڑزی کن دعا کرے۔
