نوکاپ زہمی تے جان جوڑی نا آسراتی تا فراوانی کن عملی گام گیج آتے پک کننگ انگ ءِ، وزیر جان جوڑی عبدالقادر پٹیل

اسلام آباد۔ 26 ستمبر (اے پی پی) وزیر جان جوڑی عبدالقادر پٹیل پارینے کہ نوکاپ زہمی تے جان جوڑی نا آسراتی تا فراوانی کن عملی گام گیج آتے پک کننگ انگ ءِ ۔ دوشنبےنادے آ تینا اسہ بیان اسے ٹی اوپارے کہ مچ آ ملک اٹی نوکاپ آن زہمی ضلع غاتیٹی ہڑدے ئی بنداو آ ہیلتھ کیمپ خلنگ انگ ءِ، ہیلتھ کیمپ آتے بنجائی ایمرجنسی آپریشن سینٹر پولیو، صوبائی ایمرجنسی پولیو سینٹر و آغاخان نا شریداری اٹ خلنگک۔ اوپارے کہ تدوک آ دے خیبرپختونخوا، سندھ، بلوچستان و پنجاب اٹی 44 وخت اس کہ خیبرپختونخوا نا 8 ضلع غاتیٹی 16 ہیلتھ کیمپ خلنگا ، ہنداوڑ پنجاب نا اِرا ضلع غاتیٹی چار، بلوچستان نا ہفت ضلع غاتیٹی 13 و سندھ انا 10 ضلع غاتیٹی 11 ہیلتھ کیمپ اڈتننگا۔ جم وڑاٹ 5644 ناجوڑ آتے طبی امداد فراوان کننگا۔ اوپارے کہ پنچ سال آن کم وئی 1262 چناتے طبی امداد تننگا وخت اس کہ ہیلتھ کیمپ آتیٹی 705 چناتے پولیو نا رکھی پڑی کُنفنگا دا کیمپ آتیٹی 222 چناتے رکھی ٹیکہ ہم خلنگا۔