اسلام آباد۔ 26 ستمبر (اے پی پی) گوادر اٹی جہانی وڑانا بالی پٹ انا تفنگ ترندی اٹ برجاءِ ہراڑآن شار شونداری نا پوسکن آ دور اٹی پترینگک۔ پلاننگ کمیشن نا کمامدار آتا رداٹ چین پاک اقتصادی راہداری ڈٹ انا رداٹ گوادر شار ءِ مرکزی اہمیت دوئی ءِ، گوادر انٹرنیشنل بالی پٹ انا تفنگ نا بنا ءِ تدوک آ سال کننگاسس و ڈٹ آ کاریم ترندی اٹ برجاءِ، دا پوسکن آ بالی پٹ انا رن وے آ دنیا نا غٹ آن بھلا مسافر بردار جہاز 380 اے ءِ ہم لینڈنگ و بال کننگ نا آسراتی ساڑی مریک۔ اوفک پاریر کہ حکومت گوادر اٹی برجا غٹ شونداری ڈٹ آتے پورو کننگ کن سنبرینگوک ءِ، دوسد ءُ سی ملین ڈالر نا خڑچ آن تفنگوک آ بالی پٹ گوادر شار وپورٹ انا شونداری کن پیش خیمہ جوڑ مریک۔ اوفتا پاننگ ئس کہ بالی پٹ نا تفنگ آن ہراڑے گوادر جہانی شار انا درہ دوئی کیک ہموڑے دا ڈٹ آن روزگار نا وارخواہی ودی مریک، دا بالی پٹ شار انا شونداری ٹی ہم بھاز کمکار مریک۔
