اسلام آباد۔ 26 ستمبر (اے پی پی) نیشنل انسٹی ٹیوٹ آف ہیلتھ (این آئی ایچ ) پارینے کہ 24 گھنٹہ ٹی مچ آملک اٹی 11 ہزار 65 کورونا ٹیسٹ کننگانے۔ دوشنبے نادے آ این آئی ایچ نا کنڈآن جاری ٹویٹ اٹی شیئر کروک آ حساب وکتاب نا رداٹ تدوک آ 24 گھنٹہ ٹی 11 ہزار 65 کورونا ٹیسٹ کننگا ہرافتیان 55 بندغ آتا کورونا ٹیسٹ مثبت بس و مثبت کورونا ٹیسٹ انا کچ 0.50 درسد ئسک۔ داکان بیدس داوخت آ کورونا دین آن اسہ ناجوڑ اس ہم زوال کتنے وخت اس کہ 73 ناجوڑ آتا حالیت نازرک ءِ۔ ہنداوڑاٹ تدوک آ 24 گھنٹہ ٹی چندی شار تیٹی کورونا ٹیسٹ آتا رداٹ مثبت کیس آتا کچ انا رداٹ پشاور اٹی کروک آ 506 ٹیسٹ آتیان 20 بندغ آتا ٹیسٹ مثبت بس و ہموڑے مثبت کیس آتا کچ 3.95 درسد ئسک، ایبٹ آباد اٹی 98 ٹیسٹ آتیان 2 بندغ آتا ٹیسٹ مثبت وخت اس کہ ہموڑے مثبت کیس آتا کچ 2.4 درسد ئسک۔ ہنداوڑاٹ بہاولپور اٹی کروک آ 124 ٹیسٹ آتیان 2 بندغ آتا ٹیسٹ مثبت بس و ہموڑے کچ 1.61 درسد ئسک۔
