اسلام آباد۔ 26 ستمبر وزیرخارجہ بلاول بھٹو زرداری امریکی نمائندہ خصوصی کمرشل و کاروباری امور دلاور سید تون اوڑدہی کرے۔ دوشنبے نادے آ دفترخارجہ نا رداٹ واشنگٹن اٹی مروک آ اوڑدہی ٹی وزیر مملکت حنا ربانی کھر، امریکہ ٹی پاکستان نا سفیر مسعود خان و ایلو سینئر کمامدارآک ہم ساڑی ئسر۔ اوڑدہی ٹی پاکستان اٹی نوکاپ نا حالیت، نوکاپ نا بھسکاری تتون مون تننگ نا بابت گام گیج ، امریکی کمکار و پاک امریکہ تعلقداری تا بابت گپ وتران مس۔ اوڑدہی نا وخت آ وزیر خارجہ بلاول بھٹو زرداری ساڑی آ نوکاپ اٹی امریکہ نا کنڈآن تروک آ کمکاری ناستا ءِ کرے۔ اوڑدہی ٹی پاک امریکہ ہڑتوم آ کنڈآتا واپاری تعلقداری تا مون آ دننگ آ گپ وتران کننگا۔ امریکی نمائندہ خصوصی واپاری امور دلاور سید نوکاپ آن مروک آ بھسکاری تیا است ہسونی نا درشانی ءِ کرے۔
