اسلام آباد۔ 26 ستمبر (اے پی پی) صدر مملکت ڈاکٹر عارف علوی ہرنائی، بلوچستان اٹی ہیلی کیپٹر شکست اٹی فوجی آفیسر و ورناتا شہیدی آ است ہسونی نا درشانی ءِ کرینے۔ دوشنبے نادے آ ایوان صدر نا پریس ونگ آن جاری بیان نا رداٹ صدر مملکت شہید آتا خاہوت آتون ہمدردی نا درشانی ءِ کرسا شہید آتیکن درجہ غاتا بڑزی کن عا کرینے۔ صدر مملکت میجر منیب، میجر خرم شہزاد، صوبیدار واحد، نائیک جلیل، سپاہی عمران و سپاہی شعیب نا شہیدی آ اوفتے خراج عقیدت پیش کرسا پارینے کہ شکست اٹی جام شہادت نوش کروک آ شہید آتے اوفتا عظیم قربانی تیا غٹ قوم سلام پیش کیک۔
