اسلام آباد۔ 26 ستمبر (اے پی پی) وزیراعظم محمد شہباز شریف ہرنائی (بلوچستان ) اٹی ہیلی کیپٹر شکست اٹی آفیسر و ورناتا شہیدی آ ڈکھیائی و است ہسونی نا درشانی ءِ کرینے۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم ہرنائی بلوچستان اٹی ہیلی کیپٹر شکست اٹی 6 آفیسر و ورناتا شہیدی آ است ہسونی نا درشانی ءِ کرینے۔ وزیراعظم شہید میجر خرم شہزاد، میجر محمد منیب افضل، صوبیدار عبدالواحد، سپاہی محمد عمران، نائیک جلیل و سپاہی شعیب نا خاہوت آتون ہڑزخواہی کرے۔ وزیراعظم پارے کہ لمہ وطن نا رکھ، سلامتی و دفاع کن پاکستان نا فوج بے مٹ قربانی تسنے۔ قوم ءِ تینا شہید آتیا گمر ءِ، دا قربانی تے است آن دننگ مفک۔ وزیراعظم دعاکرے کہ اللہ تعالیٰ شہید آتا درجہ غاتے بڑز کے و خاہوت ءِ صبر و جمیل عطاکے۔
