راولپنڈی۔25ستمبر (اے پی پی):دبئی پورٹ ورلڈ( میاں اوستمانی تک ءَ درستاں چہ مستریں پورٹ آپریٹرز آنی تہ ءَ یک ات) ءِ چیئرمین شیخ احمد سلطان بن سلیم ءَ یک شمبے ءِ روچ ءَ زرئی ارد ءِ سروک جنرل قمر جاوید باجوہ ءَ گوں گند ءُ نند کت۔ پاک فوج ءِ شوبگ آئی ایس پی آر ءِ نیمگ ءَ یک شمبے ءِ روچ ءَ جاڑی بوتگیں بیان ءِ تہ ءَ گوشگ بوت کہ گند ءُ نند ءِ ساھت ءَ ھار ءُ سیلاپ ءِ رد ءَ کمک ءِ کوشست ءُ پاکستان ءِ واستہ آسودگی گامگیج آنی ھوالگ ءَ ھیال ریچی کنگ بوت۔ شیخ سلطان، آئی ءَ ایشی ءَ چہ پیسر سندھ ءَ سیلاپ ءَ چہ آماچیں دمگ آنی تر ءُ تاب کتگ انت۔ آرمی ریلیف فنڈ ءِ واستہ 2.5 ملین امریکی ڈالر ءِ کمک داتگ۔ آئی ءَ سیلاپ ءَ چہ آماچیں دمگ آنی واستہ پاک فوج ءِ کمک ءِ کوشست آناں ساڑات ءُ گوشت کہ متحدہ عرب امارات ءُ ایشی ءِ سروک سکیں اے ساھت ءَ پاکستانی الس آنی گوما ھمگام ءَ اوشتاتگ انت۔ شرپ مندیں مہمان آں پاکستان ءِ واستہ ماحولیاتی انصاف ءِ جیڈھ ءَ را میاں اوستمانی فورمز آنی سر ءَ سہرا کنگ ءِ جزم ءِ درشان کت۔ آرمیچ چیف ءَ گوشت کہ شیخ سلطان ءِ پاکستان ءِ واستہ گران بھائیں ءُ وھد ءُ موہ ءِ سر ءَ کمک آنی ھوالگ ءَ شگر ءُ منت واری گپت ءُ پاکستان ءَ اقتصادی دیمروئی ءِ کار ءِ ھوالگ ءَ ھیال ریچی کت۔ شیخ سلطان ءَ آرمی چیف ءَ را دبئی پورٹ ورلڈ ءِ پاکستان ءَ گیش سرمایہ کار ءِ واھشت ءِ بابت ءَ سرپد کت۔ شیخ سلطان ءَ آیوکیں روچ آنی تہ ءَ سیلاپ ءَ چہ رکھگ ءِ وستہ کوشست آنی ھوالگ ءَ دومی کمک کنگ ءِ پیشوکی گوشت۔ شیخ سلطان ءِ اے تر ءُ تاب ءِ بست ءُ بند کنگ ءُ پاکستان ءَ کمک ءِ ضلور ت ءِ ھوالگ ءَ متحدہ عرب امارات ءَ سرپدی پیداک کنگ ءِ پد ءَ فخر عالم ستارہ امتیاز ءِ شگر منت واری گپت ۔
