لندن۔25ستمبر (اے پی پی): مزن وزیر محمد شہبا ز شریف ءَ گوشت کہ یونائیٹڈ نیشن ءِ سیکرٹری جنرل انتو نیو گوتیرس ءَ دل یکیمی کنائینتگ کہ سیلاپ ءِ آماچیں مردم آنی آسودگی ءِ وستہ ل ڈونرز کانفرنس ءِ زوت کنگ بیت۔ مزن وزیر ءَ لندن ءَ چہ ویڈیو لنک پاکستان ءَ سیلاپ ءِ آماچیں مردم آنی آسودگی کار آنی چار ءُ تپاسی ءِ واستہ یک ارزشتی ایں دیوان ءِ سروکی کت۔ دیوان ءَ بنجاھی وزیر ءُ سیادی داروکیں کارندہ آں بھر زوری کت۔ مز ن وزیر کارگس میڈیا ونگ ءِ نیمگ ءَ یک شمبے ءِ روچ ءَ جاڑی بوتگیں پریس ریلیز ءِ رد ءَ آماچیں سیلاپ ءِ آماچیں مردم آنی ھوالگ ءَ برجمیں دیوان ءِ ساھت ءَ مزن وزیر ءَ گوشت کہ یونائیٹڈ نیشن ءِ جنرل اسمبلی ءِ استیں دیوان ءِ ساھت ءَ آئی ءِ یونائیٹڈ نیشن ءِ سیکرٹری جنرل انتو نیو گو تیرس ءَ ھوار سرجمیں دگنیا ءِ ارزشتی ایں سروک آں گوں گند ءُ نند کت ایشانی تہ ءَ میاں اوستمانی سروک آناں پاکستان ءَ سیلاپ ءَ چہ بوھوکیں ڈکال ءُ اے رد ءَ حکومت ءِ نیمگ ءَ کتگیں کمکی کاروائی ءُ برجائی ءِ کوشست ءِ بابت ءَ سرپد کت۔ آئی ءَ سعودی ولی عہد محمد بن سلمان بن عبدالعزیز السعود ءَ گوں وتی ٹیلی فون ءِ سر ءَ تران آنی ھم زکر کت۔ مزن وزیر گوشت کہ میاں اوستمانی سروک آناں موسمی مٹ ءُ بدلی آنی پاکستان ءِ سر ءَ رند پد ءُ موسمی مٹ ءُ بدلی آنی ھوالگ ءَ پاکستان ءِ لیکہ ءِ ھوالگ ءَ سرپد کت۔
