نیویارک۔24ستمبر (اے پی پی): وزیر ءِ درئی کار بلاول بھٹو زرداری ءَ گوشتگ کہ پاکستان ءَ نہ وشیں سیلاپ ءَ چہ تباہ کاری آں گوں گر ءُ چیل بوھگ ءِ واستہ ترندیں ءُ جوانیں گامگیج چست کتگ، پاکستان ءِ واستہ ل ایٹماسپیئر انصاف ءِ لوٹ ءَ کنان چیا کہ پاکستان ءَ سیلاپ ءَ چہ بوتگیں ھار ءُ تاوان سہرا نت ایش موسم ءِ مٹ ءُ بدلی آنی سبب ءَ بوتگ۔ گوستگیں روچ ءَ یونائیٹڈ نیشن ءِ جنرل اسمبلی ءِ 7 7 ھپتاد ءُ ھپتمی دیون ءِ موہ ءَ وتی دزگٹی آں پد پریس کانفرنس ءَ گوں تران کنان ءَ کت۔ سیلا پ ءَ چہ آماچیں مردم آنی برجائی ءُجوڑیشت ءِ دومی بھر آنی تہ ءَ جیڈھ ا ست انت۔ اے سیلاپ یک ٹوھیں وئیل ءُ ڈکال انت۔ اے موسم ءَ گرمی ءِ سبب ءَ پاکستان ءِ ٹوھیں گلیشیئرز آناں آپ کتگ۔ گرمی ءِ سبب ءَ باز ھور بوتگ۔ آئی ءَ گوشت کہ پاکستان ءَ سیلاپ چہ بوتگیں تاوان بار آنی کچ ءُ کساس کلی 30 ارب ڈالر ءَ چہ گیش انت ، ایش ھواریں گسی پیداوار ءِ 10 درسد انت۔ ملک ءَ انوں نیم بھر ءَ چہ گیش آپ ءِ چیر ءَ انت۔ سیلاپ ءَ چہ 1500 ءَ چہ گیش مردم بیران ءُ ہزارانی مردم ٹپیگ بوتگ انت۔ 3 کروڑ 3 لکھ ءَ چہ گیش مردم آماچ بوتگ انت۔
