اسلام آباد۔24ستمبر (اے پی پی): مزن وزیر ءِ مشیر برائے سیاسی ءُ السی کار ءُ راجی مڈی ءُ دو د ءُ ربید انجینئر امیر مقام ءَ یونائیٹڈ نیشن ءِ جنرل اسمبلی ءِ ھپتاد ءُ ھپتمی 77 دیوان ءَ مزن وزیر شہباز شریف ءِ گشتانک ءَ را ساڑات۔ مرچی دگنیا ءِ استیں توامیں جیڈھ آناں سہرا کنگ ءِ د ءَ مزن وزیر ءِ توسیت کتگ ایشانی تہ ءَ گریبی، کشمیر ءِ جیڈھ ، اسلامو فوبیا، فلسطین موسمی مٹ ءُ بدلی ءُ سیلاپ ءِ سکیں ساھت ء کمکی چست ءُ ایر آنی بابت ءَ تران کتگ۔ شمبے ءِ روچ ءَ وتی بیان ءِ تہ ءَ آئی ءَ گوشت کہ مزن وزیر شہباز شریف ءَ بھارت ءِ گیر کانودی رنگ ءَ آوار جتگیں جموں کشمیر ءِ الس آنی کیس ءَ را مزن تکی میاں اوستمانی فورم ءِ سر ءَ پیش کتگ۔
