لاہور۔24ستمبر (اے پی پی):پاکستان مسلم لیگ ن پنجاب ءِ صدر بنجاھی وزیر تہی کار رانا ثناء اللہ کان ءَ گوشتگ کہ اگاں پی ٹی آئی سپریم کورٹ ءُ ہائی کورٹ ءِ گیشینتگیں جاہ آنی سر ءَ وتی جاک ءُ کوکار ءَ ریکاٹ کنگ لوٹاں گڈا حکومت سرجمیں کنت بلے اگاں ایشاں سلاھ ءُ وتاس آنی گوما دیم ءَ اوشتات ءُ ترس پیش دارگ ءِ کوشست کت گڈا ریاست اچ رنگ ءَ موہ دنت۔ اگاں آواں ریاست ءِ بے شرپی کت ءُ ریڈ زورن ءَ پترگ ءِ کوشست کت گڈا بنجاھی حکومت ایشرا ھمک رنگ ءَ گر ءُ دار کنت، آرمی چیف ءِ پوسٹنگ کانود ءِ رد ءَ بیت، پنجاپ ءَ مٹ ءُ بدلی آرگ سک گران نہ انت، پرویز الٰہی ھمے نمبر ءَ گوں سر وزیر ءِ سیٹ ءَ نشتگ، آ دو سئے نمبر انت ایش اینگر ءُ آنگر بوھگ ءَ چہ مٹی بوت کنت، پی ٹی آئی ءِ پانزدہ مردم مئے گوما رابطہ ءِ توک ءَ انت۔ پنجاپ ءَ گورنر راج ءِ پیسلہ ءَ کابینہ کنت۔ عمران خان ملک ءَ را ناکام کنگ ءِ کوشست ءَ انت۔ اے ھیال آنی درشانی آ شمبے ء روچ ءَ 180H ماڈل ٹائون لاہور ءَ پریس کانفرنس ءَ گوں گشانک دیان ءَ کت۔
