اسلام آباد۔24ستمبر (اے پی پی): مزن وزیر محمد شہباز شریف ءَ گوشت کہ یونائیٹڈنیشن ءِ جنرل اسمبلی ءَ منی گشتانک ءِ بنیاتی مول ءُ مراد دگنیا ءَ را اے باور کنائینگی بوتگ کہ ھمے نہ وشیں موسم ءِ رند پد آنی دگنیا آماچ انت اگاں ایشرا گر ءُ دار کنگ نہ بوت گڈا ایشی ءِ رند پد ایوک ءَ پاکستان ءَ نہ مان انت، دگنیا ءِ دیم ءَ اے گپ سہرا کتگ کہ پاکستان بھارت ءِ گوما ایمنی ءُ جوانیں ھمساھگی ءُ یکوئیءِ واھشت ائیگ انت ایشیءِ واستہ بھارت گیر کانودی آوار جتگیں جموں کشمیر ءَ 5 اگست 2019 ءَ یک نیمگی گامگیج آنی واپسی انت۔ شمبے ءِ روچ ءَ وتی ٹویٹ ءَ مزن وزیر ءَ گوشزت کہ یونائیٹڈ نیشن ءِ جنرل اسمبلی ءَ منی گشانک ءِ بن گپ ایش بوتگ کہ دگنیا سئیگ ءُ سرپد بہ بیت بنی آدم ھوپ ءُ بیم ءِ آماچ انت۔ پاکستان مرچی باندات موسمی مٹ ءُ بدلی جاور آنی آماچ انت۔ اگاں زوتیں رنگ ءَ ایشی ءِ گر ءُ دار کنگ نہ بوت گڈا اے رچ پاکستان ءَ ایوک ءَ نہ مان انت بلکینگ ءَ سرجمٰں بنی آدم آناں ایشی ءِ تاوان رس انت۔
