نیویارک۔24ستمبر (اے پی پی): مزن وزیر محمد شہباز شریف یونائیٹڈ نیشن ءِ جنرل اسمبلی ءِ ھپتاد ءُ ھپتمی دیوان ءِ مزن تکی باست ءُ واستہ آنی تہ ءَ بھر زوری ءَ چہ پد امریکہ ءَ چہ لندن ءَ روادگ بوتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ یونائیٹڈ نیشن ءَ پاکستان ءِ سفیر منیر اکرم ، امریکہ ءَ پاکستان ءِ سفیر مسعود خان، قونصل جنرل عائشہ علی ءُ ایندگر ٹوھیں کارندہ مزن وزیر ءَ را وش اکت۔ کت۔ مزن وزیر ءَ 20 ءَ بگر تاں 26 ستمبر ءَ جاڑیگیں یونائیٹڈ نیشن ءِ جنرل اسمبلی ءِ دیوان ءَ کلیتی گشتانک دات، ایشی ءَ ابید امریکی صدر جو بائیڈن ءَ ھوار دگنیا ءِ بازیں ملک آنی حکومت آنی سروک آں ھم گند ءُ نند کت۔ آئی ءَ گوشت کہ جنرل اسمبلی ءِ صدر سی ساباکوروسی، یونائیٹڈ نیشن ءِ سیکرٹری جنرل انو نیو گوتریس ، آئی ایف آئیز ، میاں اوستمانی ادارگ ءُ کمک کنوکیں گل آنی سروک آں گوں گند ءُ نند کت۔ مزن وزیر ءِ ھمبراھی ءَ بنجاھی وزیر اھوالکاری ء شنگ کاری مریم اورنگزیب ، ھاسیں کمکار طارق فاطمی ءُ احد چیمہ ھم ھمبراہ اتنت۔
