نیویارک۔23ستمبر (اے پی پی): مزن وزیر محمد شہباز شریف ءَ وتی گشتانک ءَ پاکستان ءَ سیلا پ ءِ جاور ھال آں ابید موسمی مٹ ءُ بدلی ءِ بیم ءُ جیدھ، مسلہ کشمیر، فلسطین ءُ ارزشتی ایں کشاں چیل، مقبوضہ جموں کشمیر ءَ بھارتی ظلم، اوگانستان ءِ جاور ھال، اسلامو فوبیا، ناشرکاری ءِ ھلاپ ءَ جنگ ءَ پاکستان ءِ قربانی آں ھوار توامیں ارزشتی ایں دمگی ءُ میاں اوستمانی کار آنی بابت ءَ چمشانک دات۔ آدینگ ءِ روچ ءَ یونائیٹڈ نیشن ءِ جنرل اسمبلی ءِ 77 ھپتاد ءُ ھپتمی گشتانک ءَ دیان ءَ مزن وزیر ءَ دگنیا ءَ را پاکستان ءِ سیلاپ ءَ چہ بوھوکیں تباہی آنی بابت ءَ سر پد کت ءُ دگنیا ءَ را گوشت کہ اے تباہی ءِ زمہ وار ما نہ آں بلکینگ ءَ موسمی مٹ ءُ بدلی انت ایشانی سبب مانہ آں۔ مزن وزیر ءَ گوشت کہ اے رنگیں ھار اچبر پیسر ءَ نہ دیستگ۔ مزن وزیر ءَ گوشت کہ پاکستان دگنیا ءِ گرم ترین دمگ جوڑ بوتگ۔ ءُ اگاں اے جیڈھ ءِ نیمگ ءَ دلگوش دیگ نہ بوت گڈا دگنیا ءَ را اے پتائیت۔ مزن وزیر ءَ میاں اوستمانی سروک آناں سیلاپ ءَ چہ پد پاکستان ءَ ریسکیو ءُ ریلیف ءَ چہ پد نوک سر جوڑیشت ءِ جیڈھ ءِ بابت ءَ سرپد ھم کتگ ءُ گوشتگ کہ پاکستان ءِ واستہ اے دور ءُ باریگ ٹوھیں جیڈھ ات ایشی ءَ گوں آ ایوک ءَ گر ءُ چیل بوت نہ کنت۔ مزن وزیر ءَ بھارت ءِ گوما کشاں چیل آنی ایمنی ءَ گوں گیواری ءِ واستہ کشمیر ءِ جیڈھ ءَ را گوں ساپ ءُ سلہ ائی ءَ گیواری ءِ ضلورت ءِ سر ءَ زور پر دیان ءَ گوشت کہ جنگ اچ جیڈھ ءِ گیواری بوت نہ کنت، بھارت ءِ زر باری ایشیا ءَ ایمنی ءِ واستہ جویشتی گپ ءُ تران کنگ لوٹ ائیت۔
