نیو یارک ۔23ستمبر  (اے پی پی): مزن وزیر  شہباز  شریف ءَ دگنیا  ءَ را  پاکستان  ءَ  موسمی مٹ  ءُ بدلی ءِ   سبب ءَ   چہ   سیلاپ ءِ   تباہ کاری آنی بابت ءَ سرپد  کنان ءَ  گوشت کہ  پاکستان ءِ نیم  بُڈ اتگ ، میاں اوستمانی   موسم ءِ ھرابیں  رند پد آں پاکستان ءِ زند مان ءَ را مدام ءِ واستہ  مٹ   کتگ۔ پاکستان ءِ الس میاں  اوستمانی  موسمی  مٹ  ءُ بدلی ءِ    قیمت  پیلو   کنگ ءَ انت،  قومی  سلامتی  ءِ توسیپ نوں مٹ بوتگ،  کدرتی  آپت آنی مقابلہ کنوکیں   میاں اوستمانی برات آناں یکجا  بوھگ  لوٹ ائیتءُ  آیوکیں  باندات  ءِ  گامگیج   آناں  سہرا کنگ ءِ واستہ  یکجا نندگ لوٹ ائیت  دگر ناں جنگ ءِ  واستہ   میدان  گندگ نہ بیت۔   بھارت  ءَ  کودکیں  کشمیری  الس آنی  ھک ءَ   را لگت مال  کنگ ءِ واستہ مقبوضہ جموں شکمری  ءَ را دگنیا   ءِ درستاں چہ مستریں  فوجی  دمگ  ءِ جوڑ کتگ۔   یونائیٹڈ نیشن   ءِ سلامتی کونسل  ءِ   منوگری  آنی رد  ءَ  کشمیر ءِ جیڈھ ءِ گیواری  ءَ تاں   کشمیری  الس  ءِ گوما  ھمگام ءَ اوشتاتگ ،  جنگ اچ جیڈھ ءِ گیواری نہ انت ،  کشاں  چیل ءَ را  سول ءُ  تران ءِ سر ءَ گیوار کنگ بوت کنت۔ مارا وتی  آسراتی آنی   دلگوش الس  ءِ نیمگ ءَ  تاب دیگی انت۔  اے ھیالانی درشانی آئی ءَ    آدینگ ءِ روچ ءَ یونائیٹڈ نیشن  ءِ  جنرل اسمبلی ءِ  77 ھپتاد ءُ ھپتمی  دیوان ءَ گوں گشتانک دیان  ءَ کت۔  مزن وزیر  ءَ وتی  گشتانک ءِ بنگیج   تلاوت ءِ قرآن  پاک ءَ گوں کت۔  مزن  وزیر   ءَ گوشت کہ  میچی  وھد ءِ  مرچی من  وتی ملک پاکستا ن  ءِ  ھال  ءُ اھوال آنی   گوشگدارینگ ءِ واستہ ادا اوشتاتگ اوں  بلے منی دل  ءُ دماگ  اے ھد ءَ ھم منی  ملک ءَ انت۔  ما یک سکیں  ساھتے ءَ گوزگ ءَ آں  اے جاور آں  من  گوشت ءُ بیان  کت نہ کناں۔  آئی ءَ گوشت کہ  موسمی مٹ  ءُ بدلی  ءَ چہ بوھوکیں   تباہی   ءِ بابت ءَ    دگنیا  ءَ را   سرپد کنگ ءِ  واستہ  ادا  اتکگ اوں    ایشی ءَ چہ منی ملک ءِ نیم  بھر  آپ ءِ  چیر  ءَ   بُک اتگ۔  مزن وزیر  ءَ گوشت کہ  40  روچ  ءُ  0  شپ  ءَ  تاں  یک  ھور ءُ  ھار ءِ بوتگ۔  ایشی ءِ  درور  سدانی سال  ءَ  تاں  نہ رس ائیت۔   مرچی ھم   ملک ءِ  گیشتری نیم  آپ ءِ چیر ءَ بُک اتگ ، زالبول   ءُ زھگ   آں ھوار  33 ملین   مردم انوگ ءَ  تاں  جان سلامتی ءِ ھوپ    آنی  آماچ انت   ایشانی  تہ ءَ  شش ءُ نیم لکھ    لاپ  پری  ایں  زالبول   انت۔   آئی ءَ گوشت کہ  سیلاپ ءَ چہ  1500  مردم  ءَ چہ گیش  بیران بوتگ  انت  ایشانی تہ ءَ  400   ءَ  چہ  گیش  زھگ   ھم ھوار انت  ،  بازیں  نادراھی  ءُ  ڈکال  ءِ   بیم  است۔  آئی ءَ گوشت کہ  سیلاپ  ءِ سبب ءَ مردم  آناں جانی  تاوان  چست کتگ۔   370  پل  تباہ بوتگ،  10 لکھ  دلوت  بیران بوتگ۔  مزن وزیر ءَ گوشت کہ  بنداتی کچ ءُ کساس   آنی رد ءَ سیلاپ  ءِ سبب ءَ  13  ہزار  کلومیٹر ءَ چہ  گیش سڑک  آناں تاوان رستگ  چار ملین   ایکڑ   کشار آپ ءَ بورتگ ات۔  لکھانی مردم  بے گسیں مردم   انوگ ءَ ھم  وتی  ھاندان،  آیوکیں   باندات ءَ  ءُ  آوانی کٹ  ءِ  وسیلگ  ءَ را  رستگیں تاوان  آنی گوما  تمبو جنگ ءِ واستہ  ھشکیں  زمین ءِ  پٹ ءُ پول   ءَ انت۔  آئی ءَ گوشت  کہ  ایٹماسپیئر    ءِ  ھرابی ءِ سبب ءَ پاکستان آماچ بوھگ   ءَ انت۔  پاکستا ن ءَ ھمے  رنگ ءَ   کدرتی  آپت  آناں   نہ دیستگ۔  مار پیسر ءَ  گیش بوھوکیں  درجہ حرات ءُ  اے سیلاپ ءِ گوما   دیم پہ دیمی انت  چوکہ  دگنیا ءَ  ھرچی کاربن   اسپیس  ءَ روان دیگ بوھگ  ءَ  انت۔  ایشانی  تہ ءَ پاکستا  ن  ءِ یک دد ءِ نہ ات۔  مزن وزیر  ءَ  گوشت کہ پاکستان   ءَ گلوبل  وارمنگ  ءِ آسر  آں چہ ایشی ءَ  مستر ءُ   گیشتر یں  اچ  بر  اچ جاہ ءَ نہ  دیستگ  ،   کہ  آھودا   مدامگیں  واستہ    مٹ  بوتگ۔  آئیءَ گوشت کہ  اے   ھار ءِ ساھت ءَ   وتی   ھار ءِ آماچیں ملک ءِ ھمک کونہ ءِ    تہ ءَ  تاب کتگ۔  مردم جست گراں کہ  آوانی  گوما اے رنگ چیا بوتگ۔  ؟  ناقابل تردید ءُ تکلیفی  گواچن  ھمیش انت کہ  اے آپت  مئے  سبب ءَ  ناں   بلکینگ ءَ  مئے  گلیشئرز  گوں ترندی ءَ  آپ بوھگ ءَ انت، جنگل  سُچگ ءَ انت  ءُ گرمی ءِ  کساس  53 ڈگری سینٹی گریڈ ءَ چہ  گیش ود اتگ۔  ایش سرجمیں  زمین   ءِ سر ءَ درستاں چہ گیشتریں   ھند   ءُ جاہ  جوڑ کنگ  ءَ  انت۔  مزنوزیر  ءَ گوشت کہ  ٹوھیں ھور ءُ  ھار  ءِ   مون  سون ءَ چہ  گوزگ ءَ انت  ، انچوش کہ  یونائیٹڈ نیشن ءِ سیکرٹری جنرل  ءَ ایشرا  سک باز   جوانیں رنگ ءَ بیان  کتگ۔   یک  ٹوھیں  گپ ءِ  ادا سہرا نت کہ  ھرچی پاکستان  ءَ بوتگ   آ  پاکستان ءَ تاں   ایوک ءَ نہ مان ائیت۔  آئی ءَ گوشت کہ وتی راج  ءِ نیمگ ءَ  سکیں  ساھت ءَ  کمک  کنگ ءِ پد ءَ شگر ءُ منت واری گپت۔  آئی ءَ گوشت کہ من یونائیٹڈ نیشن  ءِ سیکرٹری جنرل ءِ پاکستان ءِ  تر ءُ تاب    ءِ  شگر  ءُ منت  آں،  سیکرٹری  جنرل  ءَ وتی  چم آں گوں   سیلاپ ءِ  آماچیں    مردم آناں چارتگ۔  آئی ءَ گوشت کہ  دیمروئی فنڈ  ءِ بھر ھم ریسکیو  ءُ   ریلیف   ءِ کار  آنی  سر ءَ   ھرچی  کنگ ءَ  اَنت۔  سیلاپ   ءِ آماچیں  مردم آناں  70  ارب کلدار  ءِ   بھر  ءُ بانگ کنگ   بوتگ۔