آزات کشمیر حکومت ئَ را اُلس ئِ گہبود ئُُ وشھالی ئِ واستہ گیش کارآناں ترند کنگ ئِ ضلورت اِنت،جوانیں رسانکی ئُُ دگی نیٹ ورک ئَ چہ اُلس ئِ زندمان ئِ سینگار گیش بُرز بیت ئُُ اقتصادی چست ئُُ ایرآناں دیمروئی دگ ئَ کمک رسیت، بُنجاھی حکومت آزات کشمیر حکومت ئِ ھمک رنگ ئِ کمک ئَ را دل یکیمی جوڑ کنت
اسلام آباد ۔ 5 مئی (اے پی پی) مزن وزیر محمد نواز شریف ئَ آزات کمشیر ئَ دیمروئی ئُُ گہبودی منصوبگ آنی سر ئَ دل یکیمی ئِ درشان کنان ئَ گوشت کہ آزات کمشیر حکومت ئُُ اُلس ئِ گبود ئُُ وشھالی ئِ واستہ گیش ترندی ئَ گوں کار کنگ ئِ ضلورت اِنت۔ آئی ئَ اے گپ مزن وزیر آزات کشمیر راجہ فاروق حیدر ئَ گوں آدینگ ئِ روچ ئَ مزن وزیر گس ئَ تران کنان ئَ گوشت اَنت۔ راجہ فاروق حیدر ئَ مزن وزیر ئَ را آزات کشمیر ئَ جاڑیگیں دیمروئی ئُُ گہبودی منصوبگ آنی بابت ئَ سرپدی دات۔ آئی ئَ گوشت کہ دیمروئی ئُُ بُنیاتی کوکا ئِ منصوبگ آناں میرٹ ئُُ سلہ ئی ئَ را دل یکیمی کنان ئَ توامیں چست ئُُ ایر آنانی چار ئُُ بچار کنگ بوھگ ئَ اِنت۔ راجہ فاروق حیدر ئَ گوشت کہ آزات کشمیر ئِ اُلس دیمروئی ئُُ گہبود ی منصوبگ آنی سرئَ سرجمی ئَ سیت کار بنت۔ مزن وزیر ئَ گوشت کہ اُلس ئِ اِزمت آزات کشمیر ئُُ بُنجاھی حکومت ئِ یکجائی زمہ واری اِنت۔ آئی ئَ گوشت کہ جوانیں رسانکیئُُ دگی نیٹ ورک ئَ چہ اُلس ئِ کد ئُُ بالاد ئِ زندمان بُرز بیت ئُُ اقتصادی چست ئُُ ایر آنی دیمروی ئَ کمک رسیت۔ مزن وزیر ئَ گوشت کہ بُنجاھی حکومت آزات کشمیر حکومت ئِ ھمک رنگ ئِ کمک ئَ دل یکیمی ئَ گوں کنگ ئَ اِنت۔
