نیویارک۔23ستمبر (اے پی پی): وزیر ءِ درئی کار بلاول بھٹو زرداری ءَ دیمروئی کنوکیں ملک آنی استیں جیڈھ ءُ ڈکال آنی گیواری ءِ واستہ ھپت ٹکی شور ءُ سلاھ پیش کنان ءَ گوشت کہ مارا اے رنگیں میاں اوستمانی کوکا ءُ پالیشی آنا دیمروئی دیگ لوٹ ائیت ایشی ءَ چہ دگنیا ءَ چہ کشاں چیل ءِ ھلاسی بوت بہ کنت۔ میاں اوستمانی معاشی نظام ءِ دیمروئیءِ سیم سر آنی گوما بندوک کنگ لوٹ ائیت وھدیکہ میاں اوستمانی موسمی مٹءُ بدلی ءِ رد ءَ ھمگونگیں پالیشی آناں ساپ ءُ سلی ءَ گوں برجا کنگ لوٹ ائیت۔ دیمروئی کنوکیں ملک آنی وستہ دگنیا ءِ تجارتی نظام ءَ را دوارگ پراھ ءُ شاھیگان کنگ بہ بیت تانکہ اے دگنیا ءَ دیمروئی ءِ سیم سر آنی سرجمی ءَ کمکار سہرا بنت۔ آدینگ ءِ روچ ءَ نیوریارک ءَ جی – 77 ءُ چین ءِ وزارتی دیوان 2022 ءِ سروکی ءَ گشتانک دیان ءَ وزیر ءِ درئی کار بلاول بھٹو زرداری ءَ گوشتکہ گیش بوھوکیں جیڈھ، گران بھائیں ھمروچگیں وردنی سامان ، موسمی مٹءُ بدلی ءُ ھوپ آنی گوما سرجمیں دگنیا ءِ دیمروئی کنوکیں ملک یک سکیں دور ءُ باریگے ءَ چہ گوزگ ءَ انت۔ اے جیڈھ آنی گیواری ءِ واستہ وزیر ءِ درئی کار ءَ ھپت ٹکی شور ءُ مشور پیش کنان ءَ اقتصادی زوراکی ءِ آماچیں دگنیا ءِ 50 ءَ چہ گیش دیمروئی کنوکیں ملک آنی معاشی کمک ءِ وستہ میاں اوستمانی برات آناں تیار کنگ ءِ ضلورت انت۔ آئی ءَ گوشتکہ میاں اوستمانی برات آناں دیمروئی کنوکیں ملک آنی وردن ءُ وراک ءِ ڈکال ءِ آماچیں دگنیا ءِ 250 ملین مردم آناں زوتیں رد ءَ ورگی ساپیں آپ ءِ پجاری کنگ لوٹ ائیت۔ آئیءَ گوشت کہ مارا نوک دیمروئی کنوکیں ملک آناں ھاٹیگ ءِ درآمدات ءِ بار ءَ را کم کنگءِ واستہ کشک پٹ ءُ پول کنگ لوٹ ائیت۔
