اقوام متحدہ۔23ستمبر (اے پی پی): بنجاھی وزیر اھوالکاری ءُ شنگ کاری مریم اورنگزیب ءَ گوشت کہ مزن وزیر شہباز شریف الس ھاسیں رنگ ءَ سیلاپ ءِ آماچیں مردم آناں ریلیف ءِ پجاری ءِ واستہ ھمک رنگیں کوشست کنگ ءَ انت، مزن وزیر شہباز شریف ءَ سیلاپ ءَ چہ آماچیں مردم آنی وستہ ٹوھیں ریلیف پیکج ءِجار جتگ ایشی ءَ چہ ایمرجنسی کیش کمک ءُ توان ءَ ھوار ایندگر سامان آنی سر ءَ سبسڈی ھوار انت۔ آدینگ ءِ روچ ءَ ادا گیر ملکی نیوز چینل ءَ گوں تران کنان ءَ بنجاھی وزیر اھوالاکاری ءَ گوشت کہ مزن ویر شہباز شریف ءُ حکومت ءِ ھمبراہ داریں پارٹی آنی نیمگ ءَ مائیکرو ءُ میکرو اکنامک پالیشی جوڑ کنگ ءَ انت ایشانی تہء۔توامیں فوکس الس ھاسیں رنگ ءَ سیلاپ ءِآماچیں مردم انت۔ آئی ءَ گوشت کہ ھمبراہ داریں پارٹی آنی ھمک پیسلہ ءِ بنجاہ الس انت۔ یک جستے ءِ پسو ءَ آئی ءَ گوشت کہ روس یوکرین جنگ وڑیں میاں اوستمانی جیڈھ آنی نتیجگ ءَ پاکستنا ءَ ھوار سرجمٰں دگنیا ءَ گران بہائی ءِ جیڈھ ءِ گوما دیم پہ دیمی انت۔ آئی ءَ گوشت کہ پاکستان ءَ استیں معاشی جیڈھ آنی زمہ وار پاکستان تحریک انصاف ءِ گوستگیں حکومت انت، استیں حکومت ءِ ٹوھیں جیڈھ ایوک ءَ گران بھائی نہ انت بلکینگ ءَ پیسریگیں حکومت ءِ نالائقی ءِ سبب ءَ بازیں جیڈھ مارا است۔
