ننا است آتیٹی سعودی عرب و اونا الس کن بھاز مہرومریبت و شرف ءِ، چیئرمین سینیٹ نا سعودی عرب نا قومی دے انارداٹ کلہو

اسلام آباد۔ 23 ستمبر (اے پی پی) چیئرمین سینیٹ محمد صادق سنجرانی پارینے کہ ننا است آتیٹی سعودی عرب و اونا الس کن بھاز مہرومریبت ءِ، سعودی عرب ہر مشکل وخت اٹی پاکستان نا کمک ءِ کرینے، ہڑتوم آ ایلم ملک آتا تعلقداری تدوک آ وخت اتون سوگو آن سوگو ترمریک۔ سینیٹ سیکرٹریٹ آن جاری بیان نا رداٹ داخیال آتا درشانی ءِ او سعودی عرب نا 92 می قومی دے انا وخت آ تینا کلہو اٹی کرے۔ چیئرمین سینیٹ محمد صادق سنجرانی سعودی عرب نا 92 می قومی دے انا وخت آ شاہ سلمان بن عبدالعزیز السعود و ولی عہد شہزادہ محمد بن سلمان ءِ مبارکبادی تسنے۔ چیئرمین سینیٹ سعودی کماش و الس کن نیک است خواہی نا درشانی ءِ کرینے۔ اوپارے کہ پاکستان ءِ ہڑتوم آ ملک آتا نیام اٹ تعلقداری تیا گمر ءِ۔ ننا است آتیٹی سعودی عرب و اونا الس کن بھاز مہرومریبت ءِ ۔ محمد صادق سنجرانی پارے کہ سعودی عرب ہرارفتار اٹ شون ہلکونے او اسہ درور اسے۔ دادے انا وخت آ سعودی عرب و اونا الس نا شونداری و شونہالی کن نیک است خواہی نا درشانی ءِ کینہ۔ چیئرمین سینیٹ سعودی عرب نا قومی دے انا وخت آ تینا کلہو اٹی سعودی عرب نا ہروڑنا مخ تفی ءِ برجاتخنگ نا عزم انا دُوارہ پارے۔ سعودی عرب ہرمشکل وخت اٹی پاکستان نا کمک ءِ کرینے۔ اوپارے کہ ہڑتوم آ ایلم ملک آتا تعلقداری تدوک آ وخت اتون سوگو آن سوگوتر مریک۔ داکان بیدس چیئرمین سینیٹ (اینو) جمعہ نادے آ سعودی عرب نا قومی دے انا رداٹ دود اٹی بطور مہمان خاص بشخ ہلیک۔