اسلام آباد۔ 23 ستمبر (اے پی پی) پاکستان نا نوکاپ زدگان تیکن پیشن نا ملک آن کمکی جہاز آتا بننگ برجاءِ، داتم اسکان 123جہاز زہمی تیکن کمکی گڑااتسا پاکستان آ سرمسنو۔ جمعہ نادے آ دفترخارجہ نا کنڈآن جاری حساب وکتاب نا رداٹ نوکاپ زہمی تیکن داتم اسکان متحدہ عرب امارات آن 41، ترکیہ غان 13، چین آن 4، ازبکستان آن اسٹ، قطر آن چار، فرانس آن اسٹ، یونیسیف نا مسٹ، اقوام متحدہ ناپناہ گزین تا ادارہ (یواین ایچ سی آر) نا متحدہ عرب امارات آن چلینگوک آ 13 جہاز، ترکمانستان آن اسٹ، اردن نا اسٹ، جہانی ادارہ خور انا 3 ، امریکہ نا 21، برطانیہ نا اسٹ ، نیپال نااسٹ، اومان نا 8، روس انا اسٹ، یونان نا اسٹ و سعودی عرب نا 5 جہاز کمکی گڑااتسا پاکستان آ سرمسنو۔ داکان بیدس نوکاپ زدگان تیکن پیشن نا ملک آن ایلو کسر تے اٹ ہم کمکی گڑا پاکستان آ رسینگانے۔ ایران نا ہلال احمر پاکستان ءِ ٹرک آتا کمک اٹ اسہ سد ٹن کمکی گڑا گدریفینے وخت اس کہ داکان بیدس ترکی مسہ ریل گاڈی تا کمک اٹ کمکی گڑا پاکستان آ گدریفینے، داکان بیدس ترکی نا ہلال احمر اِرا ٹرک آتا کمک اٹ کمکی گڑا گدریفینے۔ تاجکستان نا کنڈآن 87 ٹرک آتا کمک اٹ نوکاپ زہمی تیکن کمکی گڑا گدریفینے۔ اومان آن نوکاپ زدگان تیکن اسہ بحری جہاز اس ہم کمکی گڑا پاکستان آ رسینگانے۔
