پشاور۔ 23 ستمبر (اے پی پی) جہانی ادارہ جان جوڑی نا نمائندہ ڈاکٹر پالیتھا ماہی پالا نوکاپ نا زہمی تا کمک کن ڈی آئی خان آ سرمسنے۔ ترجمان محکمہ جان جوڑی خیبرپختونخوا نا رداٹ جہانی ادارہ جان جوڑی نا نمائندہ ڈی ایچ او آفس اٹی نوکاپ نا بابت ریسپانس اٹی کمکاری کن ایمرجنسی آپریشن سینٹر نا بناءِ کرے، نوکاپ آن زہمی علاقہ غاتیٹی طبی امداد کن دوائی تا بھلو کھیپ اس محکمہ جان جوڑی نا دوٹی تس، جہانی ادارہ جان جوڑی نا پاکستان کن نمائندہ ڈاکٹر پالیتھا ماہی پالا جہانی ادارہ جان جوڑی ٹیم اتون اوار نوکاپ آن زہمی ضلع ڈی آئی خان و ٹانک نادورہ ءِ کرے داوخت آ محکمہ جان جوڑی نا کمامدار آک ڈی آئی خان اٹی نوکاپ نا بھسکاری و محکمہ جان جوڑی نا کارکڑد و گرج آتا بارواٹی جہانی ادارہ جان جوڑی نا ٹیم ء، حوال ہم تسر۔ ورلڈ ہیلتھ آرگنائزیشن فلڈ ایمرجنسی ریسپانس اٹی اسہ کمیونیکیشن آفیسر و اِرا ڈیزیز سرویلنس آفیسر آتا خذمت آتے محکمہ جان جوڑی نا حوالہ کرینے، ڈی آئی خان نا 22 جزوی یا پورو وڑٹ بھس جان جوڑی نا ہند آتا بحالی کن جہانی ادارہ جان جوڑی کوشست کننگ ءِ۔
