اسلام آباد۔ 23 ستمبر (اے پی پی) چین پاکستان اقتصادی راہداری ڈٹ (سی پیک) نا رداٹ ایم ایل ون ڈٹ انا پوروی آن پد پاکستان ریلوائی نا مال برداری نا کاروبار پین 20 درسد اسکان ودک۔ جمعہ نادے آ وزارت ریلوائی نا کمامدارآتا رداٹ پاکستان ریلویز ءِ اومیت ءِ کہ سی پیک نا رداٹ مین لائن ون (ایم ایل ون) نا پوروی آن پد ملک انا مال بردار کاروبار نا 20 درسد زیات ات و در مریک ہراڑآن محکہ ءِ کٹیائی ءُ ادارہ اس جوڑ کننگ اٹ کمک رسینگک۔ داوخت آ پاکستان ریلوائی ملک اٹی کل مال بردار ٹریفک نا بیرہ چار درسد ات و در کننگ ءِ ہراکہ محکمہ کن گنج اس ف۔ اوفک پاریر کہ ایم ایل ون ءِ مسہ پیکج آتیٹی پورو کننگ نا ڈٹ جوڑ کننگانے۔ اوفک مستی پاریر کہ دا ڈٹ انا بنائی ڈیزین ءِ پورو کننگانے و پیکج ون اکن وام اناباضابطہ درخواست ءِ گدریفنگانے۔
