اسلام آباد۔ 23 ستمبر (اے پی پی) سعودی عرب نا کنڈآن پاکستان نا نوکاپ زہمی تیکن کمکی گڑا سرکننگ نا چرجوئی برجاءِ۔ سعودی عرب سفارت خانہ نا کنڈآن جاری بیان نا رداٹ نوکاپ زہمی تیکن کنگ سلمان ریلیف سینٹر نا کنڈآن پین 60 ٹن کمکی گڑا کراچی آ سرکننگانے۔ پاکستان اٹی سعودی عرب نا کمکی ادارہ نا ڈائریکٹر دا کمکی گڑاتے نیشنل ڈیزاسٹر مینجمنٹ اتھارٹی (این ڈی ایم اے) نا کمامدار آتا دوٹی تس۔ سعودی عرب آن کمکی گڑاتیان پُر پین اِرا خصوصی جہاز پاکستان آ سرمسنے۔ بیان نا رداٹ دا جہاز آتیٹی غذائی و غیر غذائی گڑاتیان بیدس اِلار، کمبل و تمبو اوار ءِ ہراکہ حکومت نا کمک اٹ پاکستان نا چندی علاقہ غاتیٹی ہرعلاقہ نا گرج آتا رداٹ زہمی بندغ آتیٹی بشخنگک ہراڑآن ہزار آ ک فائدہ ہرفرہ جہاز آتا بننگ نا دا چرجوئی پین 5 دے اسکان برجاسلک۔
