کوئٹہ ۔04۔ مئی ( اے پی پی ) بلوچستان اسمبلیئِ اسپیکر راحیلہ حمید خان درانی ئَ گشتگ کہ بلوچستان ئِ باندات ورناھ آنی ہنرمندی ئَ گوں بندوک اِنت، نیوٹیک مزن وزیر محمد نواز شریف ئِ ویژن ہنر مندیں ورناھ، وشھالیں پاکستان ئِ ردئَ بلوچستان ئِ نودربر آناں ٹیکنکل تعلیم پھجارینگئَ اِنتءُ چاگردئِ یک پاھدگ مندیں شہرےے جوڈ کنگئَ اِنت، اے گپ آئی ئَ پرائم منسٹر یوتھ سکل ڈویلپمنٹ پروگرام (فیزiii) ئِ ردئَ 50فارغ التحصیل نودربرآنی سرئَ ٹول کٹ بھرءُ بانگ کنگئِ موھئَ ھڈ داتگیں مراگشئَ گوں تران کنانئَ کتگ ۔ اے موھئَ ڈی جی نیو ٹیک ناصر خان، پیسرگیں صوبائی وزیر روشن خورشید بروچہ ءُ کوئٹہ چیمبر آف انڈسٹری ئِ صدر حاجی عبدالودود ھم ساڑی بوتگ اَنت ، بلوچستان اسمبلی ئِ اسپیکر راحیلہ حمید خان درانی ئَ گشتگ کہ ہنر مندیں ورناھ بلوچستانئِ روژناھیں باندات اَنت اہلکاری تعلیم حاصل کنوک چاگردئِ تہا ارزانی ءُ عزتئِ گوما روزگار حاصل کت کن اَنت، آئی ءَ گشتگ کہ پاک چین اقتصادی راہداری منصوبہ گیم چینجر اِت مزن وزیر محمد نواز شریف وتی ویژن ئِ ردئَ پاکستانئَ را ایشیاءئِ شیر جوڈ کنگئِ ھاترئَ سرجمیں گامگیجاں کنگئَ اِنت، آئی ئَ گشتگ کہ نیوٹیک ئَ چہ فارغ التحصیل نودربر لوگا ں نندگئِ بدلئَ عملی زندئِ تہا جوانیں کرد پیلو بہ کن اَنت ءُ چاگردئِ دگہ ورناھ آنی ھاترئَ نمونگ جوڈ بہ بنت۔
