اسلام آباد۔04مئی ( اے پی پی) بلوچستانئِ حکومتی ڈل ئَ پنچ شمبےئِ روچئَ برسلزئَ بازیں یورپین پارلیمنٹرینزئَ گوں جتاھ جتاھ گند ءُ نند کتگ ءُ اقتصادی سرءُپُرآنی ھوالگئَ خطہ ئِ تہا بلوچستانئِ ارزشتئَ را پدر کتگءُ صوبہ ئِ تہا درملکی دست مان بوھگئِ سرئَ تکانسریئِ درشانی کتگ۔ برسلز ءَ پاکستانی سفارت خانہ ئِ ردئَ ڈل ئَ افریقن مزن گسءُ یورپین مزن گس ئَ کمیٹی برائے دری کارانی امورئِ باسک ئَ گوں گندءُ نند کتگ۔ بلوچستان حکومت ئَ نو باسکی ڈل ئِ سروکی ئَ آپ کشیءُ توانائی ئِ وزیر نواب زادہ چنگیز خان مری کنگئَ بوتگ۔ گندءُ نند آنی تہا ڈل ئَ یورپین پارلیمنٹرینز ئَ را صوبہ ئِ تہا درملکی ءُ در ریاستی عناصر ئِ نیمگئَ چہ دست مان کنگءُ ناشرکاریئَ چہ سرپد کتگ۔ یورپین مزن گسی باسک سجاد کریم ئَ ڈلءِ شرپئَ ناری ئِ نان داتگ۔
