نیویارک۔23ستمبر (اے پی پی): مزن وزیر محمد شہباز شریف ءِ امریکی صدر جوبائیڈن ءِ گوما وتی یک وش اتکی دیوانے ءَ لُکوکیں تران کنان ءَ کت۔ وزیر ءِ مملکت برائے درئی کا حنا ربانی کھر ءَ گوشتگ کہ امریکی صدر جوبائیڈن ءِ نیمگ ءَ یونائیٹڈ نیشن ءِ جنرل اسمبلی ءِ 77 ھپتاد ءُ ھپتمی دیوان ءِ وستہ نیوریارک ءَ جم بوھوکیں میاں اوستمانی سروک آنی شرپ ءَ وش اتکی دیوان ءِ دیگ بوتگ اے ساھت ءَ مزن وزیر شہباز شریف ءَ جوبائیڈن ءِ گوما لُکوکیں گپ ءُ تران بوت۔ نیویارک ءَ اھوالکار آنی گوما جستے ءِ پسو ءَ دیان ءَ حنا ربانی کھر ءَ اے گپ ءُ تران ءَ مول ءُ مرادی نامینت۔ حنا ربانی کھر ءَ گوشت کہ پاکستان ءُ امریکہ ءِ نیام ءَ یکوئی سیادی مھکم انت۔
